"Милләт яме - йола, бәйрәмнәрдә" фестиваль-конкурсы

    16 майда Казан шәһәренең Габдулла Тукай әдәби музеенда "Туган тел" дигэн республика  конкурсы узды. Безнең тәрбияләнүчеләр Ракинцев Григорий һәм Уринова Шахризада  уңышлы чыгыш ясадылар. Аларга  диплом тапшырылды. Конкурс ахрында мастер-класс оештырылды. Ахырдан  бөек татар язучысы музее буйлап экскурсия үткәрелде.

15 нче май көнне «Югары Утар психик тайпылышлары булган гражданнар өчен балалар интернат йорты» дәүләт казна учреждениесе тәрбиячеләре җитәкчелегендә «Гаилә көне» унаеннан чара үткәрелде.

 Олы Шыңар авыл җирлеге Оет авылында корыган агачларны кисү, тирә якны чистарту буенча  өмәләр үткәрелде.  

16 май көнне, 15май - Халыкара гаилә көне уңаеннан, район китапханәсе хезмәткәрләре “Гаилә белән китапханәгә” клуб берләшмәсенә йөрүчеләр белән берлектә “Без – бердәм, тату гаилә” дип исемләнгән гаилә бәйрәмен үткәрделәр. Чара Саба район мәдәният бүлеге начальнигы Заһидуллин Р. Ф. котлавы белән башланды. Катнашучы гаиләләр китапханәчеләр әзерләгән:  “Кайсы гаилә күбрәк матур сүзләр белә?”, Төз атучы”, “ Пантомимо”, ”Сорау бирә әниләр, ни диярләр әтиләр?”, “Йомгакны кем тизрәк чорный” һәм башка кызыклы, мавыктыргыч  биремнәрне үтәп үз-ара көч сынаштылар һәм  дуслык җиңде. Чарада гаиләләр иң мөһиме - үз-ара аңлашып, ярдәмләшеп гаилә белән бергә эшләү кирәклеген расладылар. Катнашучыларны эстрада артистлары Ризат һәм Зинира Рамазановлар, Лилия Муллагалиева үз теләкләрен белдереп, гаилә көне белән видеоэлемтә аша котладылар. Чара ахырында Саба үзәкләштерелгән китапханәләр системасы директоры Билалова Ләйсән Рәкыйп кызы үз теләкләрен белдерде һәм истәлекле бүләкләр тапшырды.