ЯҢАЛЫКЛАР

"Кыш бабай безгә кунакка килде "

Яңа ел турниры Яңа 2026 елның 3 гыйнварында «Саба-Арена» спорт комплексында Ел спортчысы (өстәл теннисы дисциплинасы) номинациясе белән башланып китте. «Ел спортчысы» дипломын Ләйсән Зариповага «Саба-Арена» спорт комплексы директоры Артур Фидаил улы Баһманов тапшырды. Призлар өч номинациядә уйнатылды. Пьедесталның өченче баскычына Динә Батыршина һәм Иделия Сафина күтәрелде. Икенчесенә-Галина Гороховатченко. Турнирның җиңүчесе Динара Исмаилова булды. Ир-атлар номинациясендә өченче урынга Гадел Вәлимөхәммәтов күтәрелде. Икенчесенә Илсаф Латыйпов. Җиңүне Камил Вилданов бәйрәм итте. Номинациядә (ОВЗ-сәламәтлекнең чикләнгән мөмкинлекләре) Гөлназ Исмәгыйлева аерым шәхси лидер булды. Илдус Рәфыйков 3 нче урынны бәйрәм итте. Икенче урында Эмиль Сафронов. Тимур Шакиров Җиңүне бәйрәм итте. ИН2ж номинациясендә Полина Кадырова пьедесталның өченче баскычына күтәрелде. Икенчегә Ксения Щава менде. Җиңүне Ләйсән Зарипова бәйрәм итте. Ир-атлар арасында ИН2 разрядында икенче урынга Айдар Идрисов күтәрелде. Камил Вәлиев җиңүче булды. Призерлар һәм җиңүчеләр «Саба-Арена» дан тиешле дәрәҗәдәге дипломнар һәм акчалата бүләкләр белән бүләкләнде.

Яңа ел-барлык балаларның яраткан әкияти бәйрәме. Аны әкияткә һәм могҗизага ышанып көтәләр. 3 январь көнне Язлы Арташ авыл клубында Арташ авыл китапханәсе белән берлектә «Ә бездә Яңа ел, чыршы кунакка чакыра» исемле театральләштерелгән балалар Яңа ел бәйрәме үткәрелде . Программада биюләр, җырлар, геройлар белән уеннар булды, балалар шигырьләр сөйләделәр һәм әйлән-бәйлән уйнадылар. Төрле төстәге, ялтырап торган гирляндалар һәм бизәкле чыршы балаларга могҗиза тудырды. Күңелле уен программасы барысын да әкият дөньясына чакырды. Балалар конкурсларда һәм уеннарда катнаштылар. Тамашадан соң барлык балалар да Кыш Бабайдан татлы бүләк алдылар. Бәйрәм мавыктыргыч, күңелле узды һәм балаларга бик күп шатлык һәм күңел ачулар китерде. Һәр баланың йөрәгенә бәйрәмнең бер өлешен кертүебезгә без бик шат идек

Яңа ел-барлык балаларның иң яраткан бәйрәме. Бу-ялтырап торган чыршы һәм Кыш бабай белән Кар кызы бүләкләре. Мөгаен, елына бер генә могҗизага кечедән алып олысына кадәр һәркем ышана торгандыр. Менә без, 3 январь көнне, балалар һәм ата - аналар белән бергә Олы Арташ авыл клубында бөтен кеше өчен Яңа Ел кәефе тудырырга, Кыш бабайны үз иҗатыбыз белән сөендерергә һәм аңа үзебезнең иҗатыбызны күрсәтергә булдык. Яңа ел могҗизаларын булдыруда Килдебәк мәдәният йорты мөдире кебек һәркем катнаша ала. Моның өчен теләк һәм бераз фантазия булу да җитә. Балалар эшкә дулкынланып, җаваплы килделәр, шуңа күрә аларның рәсемнәре матур, матур килеп чыкты. Балалар өчен баллы ризыклар бүләк булды. Шулай ук Кыш бабай алар белән төрле күңелле уеннарда уйнады. Кичә балалар өчен дискотека белән тәмамланды.

02 январь көнне Ике басу Арташ мәдәният йортынында балалар өчен «Кыш бабайда кунакта» чыршы бәйрәме узды. Балалар өчен матур бәйрәм оештырылды. Төрле төстәге утлар белән ялтырап торган яңа ел чыршысы янында балалар күңелле итеп җырладылар, биеделәр, уйнадылар, конкурсларда катнаштылар. Кыш Бабай, Кар Кызы һәм озын буйлы курчак килү белән чын бәйрәм башланды. Балалар Кыш бабайны Яңа ел турында шигырьләре, җырлары белән сөендерделәр. Әти-әниләр бәйрәмне оештыручыларга рәхмәт белдерделәр һәм эшләрендә уңышлар теләделәр. Чара күңелле һәм кызыклы узды. Барлык катнашучыларга да бүләкләр тапшырылды. Авылдашыбыз Рәхмәтуллин Айрат Нәгыймулла улына бәйрәмне үткәрүдә матди ярдәм күрсәткәне өчен зур рәхмәтебезне белдерәбез.

2 гыйнвар көнне  авылыбызнынң хөрмэтле кешесе тыл Һәм хезмәт ветераны Латыйпова  Әлфия апага 90 яшь тулды. Әлфия апа Рафис абый белән 6 бала тәрбияләп үстерделәр. Бүгенге көндә Әлфия апага балалары,оныклары, оныкчыклары монаерга, уйланырга юл куймыйлар, туган нигезгә шатланып кайтып йориләр. Әлфия апа бүгенге көндә дә җор телле, кешеләрне ихлас яратканы сизелеп тора.   

Юбилиярны котлау өчен Саба районы  социаль яклау мөдире Гайнетдинова Лилия Нургаян кызы, Мичән авыл җирлеге башлыгы Гараев Айзат Әхмәтгали улы килде.

Юбилей көнендә Әлфия апага сәләмәтлек, җан тынычлыгы, бәхетле картлык телибез, балаларыгызның, якыннарыгызның кайгыртуын тоеп яшәргә ходай насыйп итсә иде.
 

Афиша  

Несмотря на то, что в мире всё больше становятся популярны цифровые носители, печатное дело не собирается сдавать свои позиции. 

В 2026 году исполняется 70 лет со дня первого выпуска детского журнала «Весёлые картинки» и 90 лет журналу «Костёр». 

3 января в Больше-Ныртинской сельской библиотеке проведена пресс-мозаика «С днём рождения, «Весёлые картинки!»

Дети познакомились с историей создания журналов и их названий, с рубриками журналов. Во время мероприятия дети отгадывали загадки, разгадывали ребусы и прочитали важную фразу «Книги, журналы, газеты ждут читателей в библиотеке». А ещё ребята с удовольствием полистали декабрьские номера детских журналов, решали кроссворды, проходили лабиринты.  В ходе мероприятия назвали свои любимые журналы и познакомились со списком подписки библиотеки на первую половину 2026 года.

(Участников 8 чел.)

Дөньяда цифрлы Чыганаклар торган саен популярлаша баруга карамастан, басма эше үз позицияләрен бирергә җыенмый. 

2026 елда «Веселые картинки» балалар журналының беренче чыгарылышына 70 ел һәм «Костер»журналына 90 ел тула. 

3 январь көнне Олы Нырты авыл китапханәсендә «Туган көнең белән, «Весёлые картинки!» дигән матбугат мозаикасы үткәрелде. 

Балалар журналларның барлыкка килү тарихы һәм аларның исемнәре килеп чыгышы, журналларның рубрикалары белән таныштылар. Чара барышында балалар табышмакларга җавап бирделәр, ребуслар чиштеләр һәм «Китаплар , журналлар, газеталар китапханәдә укучыларны көтә»дигән мөһим фразаны чыгардылар. Китапханәгә килүче балалар журналларының декабрь саннарын карап чыктылар, кроссвордлар чиштеләр, лабиринтлар үттеләр. Чара барышында үзләренең яраткан журналларын атадылар һәм китапханәнең 2026 елның беренче яртысына язылу исемлеге белән таныштылар.

3 нче  гыйнвар көнне Югары Шытсу авыл китапханәсендә күренекле язучы Фатих Әмирханның тууына 140 ел тулуга багышланган "Фатих Әмирхан – татар сатирик жанрына нигез салучы" исемле танып-белү сәгате үткәрелде. Чара яшь китап укучыларга исеме татар әдәбияты тарихына алтын хәрефләр белән язылган якты талант дөньясын ачты. Балалар Фатих Әмирханның хикәяләр, пьесалар һәм романнар авторы гына түгел, ә татар мәдәнияте, мәгарифе, әдәби тәнкыйть һәм публицистика үсешенә керткән өлешен бәяләп бетереп булмый торган чын новатор икәнен белделәр. Ул XX гасыр башының иң үткен сатирикларының берсе иде. "Хәят" повестендагы юллар җанлы бәхәс тудырды. Чарада катнашучылар игътибарына язучының иң танылган әсәрләре тәкъдим ителде.

3 гыйнвар көнне Шекше мәдәният йорты һәм авыл китапханәсендә чын бәйрәм атмосферасы хөкем сөрде! Кечкенә кунакларны "Яңа ел сәгате" дип аталган мавыктыргыч тамаша көтә иде. Яраткан геройлары-Кыш Бабай, Кар кызы, Клоун, Татар кызы һәм хәтта Убырлы карчык белән бергә балалар Яңа ел сәгатьләре өчен югалган саннарны эзләргә керештеләр. Чөнки сәгатьтән башка бәйрәм башланып китә алмас иде, чыршы бизәлмичә, бүләкләр бирелмичә калыр иде.

Күңелле уен барышында, тылсымлы конвертлардан биремнәр башкарып, балалар һәм аларның әти-әниләре, Кар Кызы һәм башка әкият персонажлары җитәкчелегендә, онытылмаслык бәйрәм оештырдылар. Яшь талантлар үзләренең сәләтләрен бик шатланып күрсәттеләр: шигырьләр сөйләделәр, җырлар җырладылар, дәртле биюләр башкардылар, шуның өчен Кыш Бабайдан лаеклы бүләкләр алдылар.

Бәйрәм кәефе лотерея билетлары уйнату беләндәвам итте. Барлыгы 237 бәхетле билет ияләренә бүләкләр тапшырылды. Чараны Шекше мәдәният йорты һәм авыл китапханәсе хезмәткәрләре оештырды.