ЯҢАЛЫКЛАР
Хөрмәтле Саба муниципаль районы халкы!
Сезне Россия Федерациясе Конституциясе көне белән котлыйбыз!
Россия Федерациясе Конституциясе көне-рәсми бәйрәм генә түгел, ә документ кабул итүнең истәлекле көне дә.
Безнең һәрберебезнең бурычы-Россиянең Төп Законы нигезләмәләрен үтәү, хокукый дәүләт принципларын яклау. Уртак көч белән генә без куелган бурычларны хәл итә алачакбыз. Бу истәлекле көндә Сезгә тормышыгызда һәм хезмәттә тотрыклылык, бер-береңә ныклы мөнәсәбәт, сәламәтлек, бәхет, туган районыбыз хакына уңышлар телибез!
2018 елның 10 декабре ТДАТ ис. Г. Камал исемендәге театр коллективларының XVIII Төбәкара «Идел-йорт» конкурсы җиңүчеләрен бүләкләү тантанасы булды. Анда театр коллективларының 20 режиссеры, 15 номинант катнашты. Бүләкләү тантанасы алдыннан 6 декабрьдә» Татмедиа " бәйгене оештыручылар һәм жюри әгъзалары катнашында конкурс нәтиҗәләре буенча матбугат конференциясе узды. Бүләкләү тантанасын Татарстан Республикасы Мәдәният министрлыгының Республика традицион мәдәниятне үстерү үзәге директоры Ф. Х. Җәүһәрова ачып җибәрде. Ул конкурста катнашучыларга 8-21 октябрь көннәрендә Казан шәһәрендә үз коллективлары белән күрсәткән спектакльләр өчен рәхмәт белдерде. Татарстан Республикасы Мәдәният-ял итү учреждениеләрендә 1956 театр коллективы эшли, шуларның 145-е «халык үзешчән коллективы»дигән мактаулы исемгә ия, дип билгеләп үтте. Конкурста 54 коллектив катнашты, шуларның 20се Казан шәһәренең өченче турына чакырылган иде. Ф. Х. Җәүһәрова шулай ук театр хәрәкәте татар телен саклап калуга ярдәм итә, дип билгеләп үтте. Аннары ул театр коллективлары режиссерларына һәм актерларына «Дипломант» исеме белән Дипломнар һәм акчалата сертификатлар тапшырды.
Саба районы “Балкыш” халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре һәрдаим социаль яктан авыр хәлдә калган, күп балалалы, аз керемле, мөмкинлекләре чикле гаиләләрнең балалары һәм районның белем бирү учрежденияләрендәге балалар белән профилактик эшчәнлек алып баралар.
Завод-Нырты урта мәктәбендә ОПОП эшчәнлеген тәэмин итүче әйдәп баручы белгеч, Исхакова Альбина Раиф кызы белән очрашу узды.
Саба гимназиясе базасында Республикакүләм әти-әниләр комитеты “Тату сыйныф серләре” конкурсының зона этабы үтте.
Инвалидлар декадасы кысаларында Саба муниципаль районының «Балкыш» халыкка социаль хезмәт күрсәтү комплекслы үзәгенең ойгә барып хезмәт күрсәтү булекчәсендә исәптә торган инвалидлар өчен түгәрәк өстәл үткәрелде. Чарада социаль яклау бүлеге начальнигы, пенсия фонды белгече, социаль иминият фонды белгече, инвалидлар җәмгыяте рәисе катнаштылар. Түгәрәк өстәл артында 2019 елда Пенсия фондында үзгәрешләр, тернәкләндерүнең техник чараларын алу, санатор-курорт юлламаларын алу тәртибе һәм башка мөһим мәсьәләләр турында фикер алыштылар. Бәйрәм өстәле бик җылы шартларда узды. Өлкәннәребез шигырьләр , тормышларының төрле тарихларын сөйләделәр, гармунга җырлар җырладылар. Әлеге чарадан барысы да яхшы кәеф белән кайтып киттеләр.
Шәмәрдән авыл җирлегендә сәләмәтлекләре ягыннан физик мөмкинлекләре чикле булганнар өчен концерт, кунелле ял кичәләре узды.
Тимершык авыл җирлегендә көндәлек тирә-якны төзекләндерү, хезмәт күрсәтү, төрле чараларда катнашу буенча максатчан эш алып барыла. 7 декабрь көнне Тимершык авылы мәдәният йортында “Юлларда күренеп тор!” Республика күләм акциясе уздырылды. Чара Тимершык урта мәктәбе укучылары һәм ясле-бакчасында тәрбияләнүче балаларның чыгышлары белән үрелеп барды. Акциянең төп максаты балаларга юлда йөрү кагыйдәләрен искә төшерү , бигрәк тә кичке вакытта киемнәрдә яктырткыч элементларның мөһимлеге аңлатылды. Соңыннан участок вәкаләтлеләре М.М.Гатин, Р.А.Садриев, ЮХИДИ ның искәртү бүлеге җитәкчесе И.Д.Насибуллин, ЮХИ бүлеге җитәкчесе Г.Н.Ягофарова, Саба районы полиция бүлегенең кадрлар бүлеге җитәкчесе Б.М.Сабиров темага кагылышлы докладлар белән чыгышлар ясап, Кыш бабай белән берлектә мәктәп, балалар бакчасында тәрбияләнүчеләргә яктырткыч элементлар һәм истәлекле бүләкләр өләштеләр. “Тимершык авыл җирлеге”
7 декабрь көнне Олы Кибәче урта мәктәбе укучылары һәм ата-аналары ата-аналар комитетлары арасында уздырылучы "Тату сыйныф серләре" республика конкурсының зона этабында катнаштылар. Конкурс Арча, Әтнә, Балтач, кукмара, Саба районнары арасында үтте. Чыгыш ясау нәтиҗәләре буенча безнең мәктәп 2 нче урынны яулады. -Олы Кибәче авыл җирлеге.
2018 елның 20 декабрендә Байлар Сабасы ш.т. п. һәм Шәмәрдән авылында Татарстан Республикасы Саба муниципаль районы халкына түләүсез юридик ярдәм күрсәтеләчәк.
Гражданнарга хокукый мәсьәләләр буенча консультация бирү максатыннан Россия юристлары ассоциясенең Татарстан төбәк бүлекчәсе Татарстан Республикасы Юстиция министрлыгы белән берлектә министрлыклар, ведомстволар һәм оешмалар белгечләреннән, аерым алганда, мобиль мәгълүмат-консультация төркеме формалаштырылды: