ЯҢАЛЫКЛАР

Курсабаш авылының Тукай урамында яшәүчеләр, Урам концертына әзерлек кысаларында өмә үткәрделәр. Читтә калмаганнарга һәм өмәдә актив катнашканнарга зур рәхмәтебезне белдерәбез. Онытмагыз: «җыештырган җирдә түгел, ә чүпләмәгән җирдә чиста!». Чүпләмәгез, чит хезмәтне хөрмәт итегез!

30 июль көнне, Курсабаш торак пунктында, безнең җирлек халкы өчен көтеп алынган - Татар концерты булды. Тамашачылар алдында, искиткеч концерт программасы белән татар эстрадасы йолдызы - Фирдүс Тямаев чыгыш ясады. Чара стандарт концерт кына түгел, ә профессиональ яктан әзерләнгән тамаша да булды.

Фирдүс Тямаевка, аның командасына һәм чараның спонсоры - Радик Сәетбатталовка искиткеч концерт өчен рәхмәт белдерәбез, ә барлык кунакларга да безнең белән булганнары өчен рәхмәт! Татар концертлары безнең җирлек мәдәниятенең аерылгысыз бер өлешенә әйләнсен өчен бөтен көчебезне куячакбыз.

Курсабаш авыл жирлеге командасы пляж волейболы буенча Саба муниципаль районы чемпионатында 1 урынны яулады. (Район этабы).

Котлыйбыз!

Курсабаш авыл мәдәният йорты белгечләре, Сүлә авыл клубы мөдире һәм Курсабаш китапханәсе мөдире белән берлектә "җәйге яшьлек кичләре"дип исемләнгән урам концерты оештырдылар.Барлык концерт номерлары да көчле алкышларга күмелде. Үзешчән сәнгатьтә катнашучылар үзләренең иң матур номерларын күрсәттеләр: шигырьләр,җырлар,биюләр һ.б.. Ахырда кунакларны дискотека көтә иде.

       Галимҗанова Резидә Гариф кызы 1932 нче елның 25 июлендә Саба районы Курсабаш авылында дөньяга килә. Туган авылында башлангыч белем ала.

Резидә апага сугыш башланганда  10 яшь була. Әтисе сугыш кырында ятып калган.  Гаиләдә иң олы булганга бөтен авырлык аның җилкәсенә төшә. Ул кыр эшләрендә эшли, өй тирәсендә булыша, балалар караша.

     1956 елда Курсабаш авылы егете Рәхимҗан белән гаилә коралар һәм биш бала тәрбияләп үстерәләр, аларны олы тормышка озаталар. Резидә апа пенсиягә чыкканчы үзенең туган авылындагы колхозда фермада да, төрле эшләрдә дэ эшләп хезмәт итеп, 1982 елда  лаеклы ялга чыга. Балалары барысы да тәртипле, гаилә корып, башлы-күзле булалар. Олы уллары Хәсәнҗан СМУда инженер булып хезмәт итеп, хәзерге вакытта лаеклы ялда, Шәмәрдән авылында гаиләсе белән яши. Кызлары Нүрзидә Казанда гомерен балаларга белем бирүгә багышлап, хәзер дә үз эшен дәвам итә. Өченче уллары Җәмил Горький тимер юлында монтер булып эшләп, хәзерге вакытта лаеклы ялда, терлек асрап, яшелчә үстереп Курсабаш авылында гаиләсе белән гомер итәләр. Дуртенче уллары Җәүдәт бүгенге көндә Мәскәүдә метро төзү эшендә эшли, гаиләсе белән Шәмәрдән авылында яшиләр. Кызганычка каршы төпчек уллары Рөстәм 2006 елда фаҗигалы төстә үлеп китә. 2007 елда Резидә апа тормыш иптәше Рәхимҗан абыйны да соңгы юлга озата. Хәзерге көндә Резидә апаның 10 оныгы, 10 оныкчыгы бар.

     Резидә апа "1941-1945 еллардагы Бөек Ватан сугышында фидакарь хезмәт өчен" медале, «1941-1945 нче еллардагы Бөек Ватан сугышында Җинүнең 55, 60, 65, 70,75 еллыклары хөрмәтенә» юбилей медалләре белән бүләкләнгән.

   Хәзерге вакытта Резидә апа гаиләнең җылысын саклап, Курсабаш авылында малае Җәмил гаиләсендә гомер кичерә.

16 июль көнне Сулэ авыл клубында клуб формированиесендә катнашучылар белән «дару үләннәре дөньясында... " исемле дару үләннәре дөньясы буенча мавыктыргыч экскурсия үткәрелде. Чарада катнашучылар үсемлекләр-искиткеч һәм кылынган иҗат җимешләрен искә төшерделәр, алар үзләрендә бик күп серләрне саклыйлар. Иң кечкенә үсемлектә төрле кешелек авырлыкларын дәваларга сәләтле бөек көч яшэргә мөмкин.

 15 июль көнне Курсабаш авыл мәдәният йорты белгечләре Сулэ авыл клубы мөдире һәм Курсабаш китапханәсе мөдире белән берлектә "җәйге яшьлек кичләре"дип исемләнгән урам концерты оештырдылар.Барлык концерт номерлары да көчле алкышларга күмелде. Үзешчән сәнгатьтә катнашучылар үзләренең иң матур номерларын күрсәттеләр: шигырьләр,җырлар,биюләр һ.б.. Ахырда кунакларны дискотека көтә иде.

10 июль көнне Очиле авыл клубында Курсабаш авыл мәдәният йорты белгечләре белән берлектә "Колобок"курчак театры үткәрелде.Сер түгел, барлык балалар да әкиятләр ярата, һәм нәниләр танышкан беренче әкиятләрнең берсе - «колобок".Тамашачыларга «колобок» әкияте гаҗәеп, тылсымлы һәм яраткан экият дөньясына чумарга мөмкинлек бирде.

8 июль көнне Очиле авыл клубында, Курсабаш авыл мәдәният йорты белгечләре, Түбән Утар авыл клубы мөдире, үзешчән сәнгать артистлары белән берлектә, Пушкин картасы буенча Гаилә, мәхәббәт һәм тугрылык көненә багышланган "Мәхәббәт һәм тугрылык" исемле урам концерт программасы оештырдылар. Концертта музыкаль номерлар яңгырады, алардан барлык тамашачылар да канәгать калдылар. Кызлар матур бию номерлары бүләк иттеләр.Гаилә һәм мәхәббәт турында матур шигырьләр һәм котлаулар чара дәвамында яңгырады. Бәйрәм барлык тамашачыларга аралашу шатлыгы һәм яхшы кәеф бүләк итте.

07 июль көнне Саба районы Курсабаш авыл җирлегенең административ бинасында, ТР Дәүләт алкоголь инспекциясенең Арча территориаль органы начальнигы, Булат Илдар улы Кадыйров халыкны кабул итте. Гражданнарны кабул итү Татарстан Республикасы Дәүләт алкоголь инспекциясе компетенциясенә керүче барлык мәсьәләләр, аерым алганда, алкогольле һәм спиртлы продукция әйләнешен дәүләти җайга салу һәм кулланучылар хокукларын яклау өлкәсендәге законнар буенча үткәрелде.