ЯҢАЛЫКЛАР
Сүлә авылы клубында балалар белән викторина, өстәл теннисы һәм бильярд , урамда футбол уеннары уздырылды.
Мәдәният бүлеге хезмәткәрләре тарафыннан Курсабаш авыл җирлеге халкына, тарихи урын-Биләр шәһәрчегенә экскурсия оештырылды.
Курсабаш авылында яшәүче Шайнуровлар гаиләсе "ярдәмләшеп үсәбез" Яшь Гаиләләр конкурсында җиңүче булды.
Җиңүчеләр гаилә киләчәк һөнәрен үзләштерәчәк - "сити-фермер": моның өчен алар прогрессив үсемлекчелек буенча белем бирү программасы узачак һәм ел дәвамында яшь гаиләләр Экобоксларда үсемлекләр үстерәчәк (үсемлекләрнең үсүе һәм җимеше өчен барлык шартлар тудыручы ябык экосистемадан гыйбарәт җиһазлар)
Бүләкләү тантанасында катнаштылар:
«Аграр яшьләр берләшмәсе» төбәк иҗтимагый оешмасы башкарма директоры Габделхаев Ральф, Арт-директор Шакирҗанова Лилия һәм Курсабаш авыл җирлеге башлыгы Гыймадиев Айзат Рамил улы.
Шайнуровлар гаиләсен конкурста җиңүләре белән котлыйбыз!
ТАССРның 100 яшьлек юбилеена багышлап Курсабаш мәдәният йортында “Без – Татарстан балалары! “ дигән чара уздырылды.
Бу көннәрдә Курсабаш һәм Югары Утар авыллары арасында юлда ремонт эшләре алып барыла. Бу эшләрнең максаты: юлда барлыкка килгән җитешсезлекләрне бетерү .
9 июнь көнне Түбән Утар авылында, инде традициягә әйләнгән, "Авыл көне” бәйрәме уздырылды. Бәйрәм белән авыл җирлеге башлыгы А. Р. Гыймадиев котлады. Концерт программасы әзерләнгән иде, сәхнәдә үзешчәннәр һәм теләгән һәркем чыгыш ясады. Мәдәният хезмәткәрләре,авыл халкы күңелле уеннар һәм ярышларны оештыруда актив катнаштылар.
8 июнь көнне Курсабаш авыл җирлегендә халыкнын милли бәйрәме "Сабантуй-2019” булып узды. Бәйрәм белән авыл җирлеге башлыгы А. Р. Гыймадиев котлады. Аннары бәйрәмдә катнашучыларны котлау сүзләре белән ҖЧҖ «Курсабаш» генераль директоры И. С. Зиганшин чыгыш ясады һәм алдынгыларны, кыр батырларын бүләкләде, язгы кыр эшләренә йомгак ясады. Концерт программасы әзерләнгән иде, сәхнәдә үзешчәннәр һәм теләгән һәркем чыгыш ясады. Мәдәният хезмәткәрләре күңелле уеннар һәм ярышларны оештыруда актив катнаштылар. Концерт- популяр татар җырчысы Эльвира Хайрулинанын иҗат төркеме чыгышы белән дәвам итте.
25 май көнне Курсабаш төп гомумбелем бирү мәктәбендә "Соңгы кыңгырау" бәйрәме үтте.
Мәчет – мөселманнар тормышында иң әһәмиятле урыннарның берсе булып тора. Изге Рамазан ае алдыннан Тубән Утар авылы мәчетендә ремонт эшләре тәмамланды. Шушы изге эшләргә өлеш керткән хәрбер кешегә Курсабаш авыл җирлеге советы рәхмәтен белдерә. “Курсабаш авыл җирлеге”.
2019 нчы елның 6 нчы февралендә Курсабаш авыл җирлегендә гражданнар җыены булып узды. Җыенда район башлыгы урынбасары Р.Р. Закирзянов, хокук саклау органнары вәкилләре, оешма-предприятия җитәкчеләре һәм вәкилләре катнашты. Эзмә авыл җирлеге башлыгы А.Р.Гыймадиев халык каршында, 2018 нче елда авыл җирлегендә башкарылган эшләр буенча чыгыш ясады һәм 2019 нче елда эшләнергә тиешле эшләргә тукталып, бурычларны да билгеләп үтте. Шулай ук халык каршында участок инспекторы Ф.Р.Мөбәрәков, Теләче муниципаль районнары буенча янгын күзәтчелеге һәм профилактика эше алып баручы дәүләт җитәкчесе, эчке эшләр подполковнигы Галимуллин А.Р., ТР Саба һәм Теләче муниципаль районнары буенча пенсия фонды җитәкчесе Якупова Ф.Ш., Шәмәрдән радиотелевизион тапшыручы үзәге идарәсе начальнигы Хазиев А.Ш., Федераль налог хезмэтенен 10 нчы номер районара инспекциясенен налог тулэучелэрне исэпкэ алу булеге начальнигы Нигматзянов Ф.Ф., «Татэнергосбыт» оешмасынын клиентларга хезмэт курсэту офисынын җитәкчесе Галимҗанов Р.Х., Саба муниципаль районы башкарма комитеты җитәкчесенең урынбасары Котдусов И.И. чыгыш ясадылар. Гражданнарны борчыган сорауларга район башлыгы урынбасары Р.Р. Закирзянов жавап бирде. «Курсабаш авыл җирлеге».