ЯҢАЛЫКЛАР

11 январь көнне Саба район үзәк китапханәсендә “Өлкәннәр” клубының актив әгъзасы, Саба районы ветераннар советы рәисе Ильясов Фәнил Ильяс улының 65 яшьлек юбилее уңаеннан, “Яшьнәп үткән гомер” дип аталган портрет-кичә үткәрелде. Фәнил Ильяс улы  югары дәрәҗәгә үзенең фидакарь хезмәте белән  ирешкән  шәхес. Ул бер өлкәдә 40 ел эшләп, хезмәт юлын элемтә сыйфаты буенча оператордан башлап, Саба районы буенча “Россия почта”сы җитәкчесенә кадәр күтәрелгән хөрмәтле кеше. Юбилярга тәбрикләү сүзләрен “Россия почтасы”ның Саба бүлеге начальнигы Заһидуллин Рафиль Рафаэль улы, Саба муниципаль районы халкын социаль яклау бүлеге начальнигы Гайнетдинова Лилия Нургаян кызы, Саба үзәкләштерелгән китапханәләр системасы директоры Билалова Ләйсән Рәкыйп кызы, “Өлкәннәр” клубы әгъзалары җиткерделәр. Саба район мәдәният йорты хезмәткәрләре җырчы Айнур Гәрәев  һәм баянист Айнур Габделхаков матур шигырь юллары һәм җыр аша кичәгә ямь өстәделәр. Чара ахырында китапханәчеләр дә Фәнил Ильяс улына  якты теләкләрен җиткереп җыр башкардылар.

Кышын сәламәтлеккә аеруча игътибарлы булырга кирәк,салкын һавада үзеңне ничек тоту,чыныгу өчен ниләр эшләргә кирәк булуын барлык балалар да белеп бетермиләр.Шуны күздә тотып балалар белән “Сәламәтлек хакында” дип исемләнгән әңгәмә уздырылды. Балалар белән кышкы салкыннарда ничек киенү,чыныктыру үзлегенә ия булган кышкы спорт уеннары хакында әңгәмә уздырылды, китаплар тәкъдим ителде. Соңыннан тау шуарга бардык.

9 гыйнварда укытучы Әхмәтшина З.Р. укучылар белән "Халыкара хореограф көне"нә багышланган әңгәмә үткәрде. Бу бәйрәмне бүген билгеләп үтәләр! Бәйрәм бию сәнгатенең техника, пластикасын саклаучы һәм арттыручы, булачак биючеләрне өйрәтүче кешеләргә багышлана. Киң мәгънәдә "хореография" сүзе астында бүгенге көндә ике өлкә: балет сәнгате һәм бию сәнгате күздә тотыла. Хореограф аерым башкаручының яки төркемнең биюен кую белән шөгыльләнә. Гади телдә әйткәндә, биюче өчен ул чынлыкта тренер булып тора. Укучылар укытучы белән бу темага сөйләштеләр, презентацияне карадылар.

Шәмәрдән модель китапханәсендә «Дуслык» клубы әгъзалары өчен язучы, шагыйрь Ф.Сафинның 70 еллыгына багышланган әдәби сәгать узды. Ф.Сафин-танылган прозаик, шагыйрь, журналист, филология фәннәре докторы, Татарстанның атказанган мәдәният эшлеклесе, шулай ук А. Алиш, А. Грибоедов исемендәге әдәби премияләр лауреаты, Татарстан Республикасының Габдулла Тукай исемендәге Дәүләт премиясе лауреаты. Очрашу барышында катнашучылар танылган шагыйрьнең тормышы һәм иҗаты белән таныштылар. Иң якты шигырьләр, тормышның төрле чорларында язылган хикәяләр һәм әкиятләрен укыдылар, авторның иң танылган "Гөлҗихан"әсәрен иҗат итү тарихы белән таныштылар.

8 гыйнвар көнне  Килдебәк авыл китапханәчесе  мәдәният йорты хезмәткәрләре белән берлектә «Укырга чакырабыз» исемле викторина үткәрделәр.

  Викторина кагыйдәләре гади генә иде: балалар чиратлашып  сорауларга җавап бирделәр, дөрес җавап өчен аларга  баллар исәпләнде. Викторина төрле биремнәр буенча 5 турны үз эченә алды. Уен дәвамында балалар үзләренең яраткан китапларын искә төшерделәр, яраткан әсәрләрендәге геройларны  таныдылар, әсәрләрдән өзекләр тыңладылар һәм кемнеке булуын белделәр. 

Чара бик кызыклы үтте. Әлбәттә, җиңелүчеләр булмады – ә дуслык җиңде.

Гыйнвар башында Саба балалар сәнгать мәктәбенең Шәмәрдән филиалы укучылары Балеева Полина һәм Иванова Элина (укытучысы Иванова М.И.) "Казан Кремле серләре"иллюстрацияләр конкурсында җиңеп,  бүләкләү чарасына чакырылдылар. Конкурсны оештыручылар - "Казан Кремле" Музей-тыюлыгы  һәм "Юлбасма"нәшрияты. Конкурс нәтиҗәләре буенча,  җиңүчеләренең иллюстрацияләре "Казан Кремле серләре" китабында басылып чыгачак. 

Шулай ук конкурс җиңүчеләренә "Кремль Сакчысының серләре"дигән Яңа ел тамашасына билетлар бирелде.

Яңа ел бәйрәмнәре - әкият һәм тылсым чоры... Яңа ел бусагасын атлап кергән саен, күңелдә аеруча җылы була. Бу гаҗәеп вакыт, йөрәк һәм җан могҗиза көтеп тула.

 6 гыйнвар көнне Бигәнәй мәдәният йортында китапханә белән берлектә "Кышкы әкият ясыйбыз" дигән рәсем конкурсы үткәрелде. Конкурста катнашучыларга кышкы әкият ясарга тәкъдим ителде. Һәркем үзенең рәсемендә гаҗәеп һәм онытылмас кышкы әкият турындагы күзаллауларын чагылдырды. Күп кенә рәсемнәр якты хыял, фантазиялелеге һәм оригинальлеге белән аерылып тора. Китапханәдә китап күргәзмәсе оештырылды. Күргәзмәдә балаларның яраткан кышкы әкиятләре куелды. Алар арасында Х.Андерсенның «Снежная королева»,В.Одоевскийның «Мороз Иванович», Рус халык әкияте «Морозко», «По шучьему веленью» һ.б. бар иде.

"Кышын кошларны ашатыгыз! "Бөтенроссия экологик акциясе" безнең илдә 2003 елдан бирле үткәрелә, аның максаты-кышлаучы кошларга ярдәм итү. Акция язучы Евгений Носов исеме белән бәйле, ул һәр көз Александр Яшинның «Кышын кошларны ашатыгыз " шигыре белән листовкалар элгән һәм ябыштырган..., кешеләрне бу мөһим эшкә җәлеп итәргә тырышкан. Бүген 5 гыйнварда Олы Нырты авыл китапханәсе мөдире балалар белән бергә «Кышын кошларны ашатыгыз» дигән экологик акция үткәрделәр. Китапханәче яшь укучыларны бездә кышлаучы кошлар белән таныштырды, кошларны кышкы тукландыруны ничек үткәрергә, нинди материаллардан һәм безнең канатлы дусларыбыз өчен азыкны ничек ясарга кирәклеге турында сөйләде. Балаларның өй эше —кошларга  азык ясау иде. Балалар әти-әниләре белән бергә үзләренең фантазияләрен һәм тырышлыкларын күрсәтеп, кошлар өчен азык ясадылар. Чара ахырында кормушкаларга азык салып, агачларга асып куйдылар. Кошларга кыш көне ярдәм итәргә һәм анда даими рәвештә азык салырга кирәк булуы әйтелде.

 Кыш - безнең якларда кышларга калган кошлар тормышындагы аеруча авыр чор. Бу вакытта алар безнең кайгыртуга - тамак ялгауга аеруча мохтаҗ. Һәм аларга һәркайсыбыз ярдәм итәргә тиеш, чөнки 10 песнәкнең язга кадәр бары тик 1-2се  генә яши, ә калганнары ачлыктан һәлак була. 5,6 гыйнвар көннәрендә китапханәдә «Кафе Синичка» акциясе үтте. Чараны оештыручылар – клуб мөдире Шәрәфиева Г.М һәм китапханәче. Акциядә  яшьләр һәм китап укучылар катнашты. Безнең якларда кышлаучы кошлар турында алар белән әңгәмә кордылар. Балалар кеше белән янәшә яшәүче кош-кортларның еш кына һава торышы алдында яклаучысыз булуын белделәр. Һәм безнең һәркайсыбыз кышлаучы кошларга салкыннар кичерергә, алар өчен куркынычсыз урында  җимлекләр урнаштырырга ярдәм итә ала.Изге эштән без дә читтә калмадык.

4 гыйнвар көнне Бигәнәй мәдәният йорты һәм китапханә хезмәткәрләре  саф һавада спорт программасы оештырдылар. Спорт ярышлары яшь буынның сәламәт һәм актив яшәү рәвешен алып баруга кызыксынуын арттырырга, көндәшлек рухын ныгытырга һәм физик яктан  үстерергә ярдәм итә. Балалар спорт уеннарында, эстафетада актив катнаштылар, үзләренең җитезлекләрен күрсәттеләр, командадагы иптәшләренә ярдәмгә килделәр. Бу спорт чарасында җиңүчеләр һәм җиңелүчеләр булмады.  Барлык балалар да зур канәгатьлек һәм күп  уңай тәэсирләр алдылар.