ЯҢАЛЫКЛАР
Ике басу Арташ авыл китапханәсенең мөдире авыл клубының мәдәният хезмәткәрләре белән берлектә балалар өчен «Терроризм –җәмгыятькә куркыныч»дигән мәгълүмат сәгате үткәрде. Буклетлар ярдәмендә кеше тормышының кыйммәтләре турында әңгәмә үткәрелде, балаларны «террорчылык»төшенчәсе белән таныштырдылар. Террорчылык проблемаларының әһәмияте һәм әһәмияте турында сөйләделәр. Теракт куркынычы барлыкка килгән очракта һәм экстремаль ситуацияләрдә үзеңне ничек тотарга икәнен аңлаттылар. Чарага тематик күргәзмә әзерләнгән.
21 сентябрьдә Арташ авыл җирлегендә «Милләтләр кроссы - 2024» массакүләм ярышлары узды, алар традицион рәвештә көз көне халык арасында массакүләм физкультура-сәламәтләндерү хәрәкәтен популярлаштыру һәм сәламәт яшәү рәвешен оештыру максатларында үткәрелә.
Нырты хуҗалыгында терлек азыгы әзерләү тулы көченә бара. Кукуруздан сенаж салалар.
8 сентябрь көнне Татарстан Республикасы Дәүләт Советына 7 нче чакырылыш депутатларын һәм №47 Кукмара бермандатлы сайлау округы буенча депутат сайлаулары булып узды. Арташ авыл җирлегенә кергән сайлаучылар сайлауда һәм "Бөтен гаилә белән сайлауларга" акциясендә дә актив катнаштылар. Барлык сайлаучыларга да сайлауда актив катнашканнары өчен рәхмәт белдерәбез!
04 сентябрьдә Арташ авыл җирлегенең гражданнар җыены булды. Җыенда 2024 елның 8 нче сентяберендә Татарстан Республикасы Дәүләт Советына депутатлар сайлауларын оештыру һәм үткәрү мәсьәләләре буенча Саба муниципаль районы башлыгы урынбасары Р.Р. Закирҗанов чыгыш ясады. Халыктан тәкъдимнәр һәм теләкләр җыю өчен "Бердәм Россия" мобиль агитация бригадасы да килде.
Арташ авыл җирлеге "Чәчәкле Саба-2024” бәйгесендә зур унышларга иреште:
Ике Басу Арташта яшәүче Залялетдиновлар гаиләсе 2 нче урын;
Олы Арташ “Карлыгач” балалар бакчасы 1 нче урын;
Ике басу Арташ фельдшер-акушерлык пункты 3 нче урын;
Ике басу Арташ авыл мәдәният йорты кызыксындыру бүләгенә лаек булды.
2 нче сентябрь көнне Олы Арташ төп гомумбелем бирү мәктәбендә белем көне билгеләп үтелде. Яңа уку елында мәктәптә барлыгы 45 бала белем һәм тәрбия алачак. Беренче сыйныфка 4 укучы укырга керде. Укучыларны, әти-әниләрне, укытучыларны котларга дип "САБА" ИНДУСТРИАЛЬ ПАРКЫ " ИК " АҖ җитәкчесе Хузин Ильшат Талгатович, авыл җирлеге башлыгы, мәгариф системасыннан котларга килделәр.
30 августта Татарстан Республикасы халкы үз дәүләтчелегенең тууын — Республика оешу көнен бәйрәм итә. Бу көнне 1990 елда җөмһүрият Югары Шурасы Татарстан Җөмһүриятенең дәүләт суверенлыгы турында Декларация кабул итте.
29 нчы август конне Ике Басу Арташ мәдәният йортында "Дуслар җыелган җирдә" дигән исем астында бәйрәм концерты узды. Концертны Мишәбаш, Тимершык, Югары Симет, Иске Мичән, Ике Басу Арташ һәм Иләбәр мәдәният йорты хезмәткәрләре оештырды. Алар тамашачыларга үзләренең җырларын, биюләрен бүләк иттеләр.
2024 елның 29 нчы августында Ике Басу Арташ "Күбәләк" балалар бакчасында “Балалар арасында сәламәт яшәү рәвешен пропагандалау атналыгы” темасына әңгәмә үткәрелде. Әңгәмәне Ике Басу Арташ ФАП мөдире (фельдшер) Сәләхиева А. Г . үткәрде.
Район аграрийларының хәзер иң эссе эш чоры. Һәр минут исәптә, алар иртәдән алып төн уртасына кадәр эшлиләр. 28 августта "Фирүзә" агитколлективы, Ике Басу Арташ мәдәният йортының, Язлы Арташ, Өч Нарат авыл клублары белән берлектә "Нырты" АХП ҖЧҖ кырларына "Игенчегә игелек кылучыга, җырлар аша сәлам юллыйбыз" дип аталган агитбригада программасы белән чыкты.