ЯҢАЛЫКЛАР

12 июньдә балаларны яклау көненә багышланган Сабантуй - 2025 балалар бәйрәме узды. Милли уеннар, конкурслар һәм ярышлар балаларга бик күп уңай эмоцияләр бүләк итте. Язлы Арташ  АК мөдире аларны сәламләде һәм әти-әниләренең яратуы һәм кайгыртуы, шулай ук сәламәтлек, уңышлар һәм, әлбәттә, онытылмаслык җәйге ял белән әйләндереп алуларын теләде. Бәйрәм шау-шулы һәм күңелле булды. Елмаюлар һәм искиткеч кәеф, һәм, әлбәттә, онытылмаслык тәэсирләр күп иде.

Җәйнең беренче көнендә Халыкара балаларны яклау көне билгеләп үтелә. Бу балалар өчен иң шатлыклы бәйрәмнәрнең берсе генә түгел, ә өлкәннәргә "балачак"ның нинди матур чоры икәнен искә төшерү дә. 11 июнь көннеиИке басу  Арташ мәдәният йортында мәдәният хезмәткәрләре, "Күбәк" балалар бакчасы коллективы белән берлектә, «Күбәк» балалар бакчасында тәрбияләнүчеләр һәм туганнарына кунакка килгән балалар өчен "Кояшлы балачак доньясы" кече сабантуе үткәрделәр. Бәйрәмне мәдәният йорты мөдире котлау сүзләре белән ачып җибәрде .соңыннан барысы да әйлән-бәйлән уйнап, балаларның яраткан "Кояшлы ил безнен ил" җырын җырладылар. Соңыннан алып баручылар балаларны "Сабантуй" милли бәйрәменең кызыклы конкурслары һәм хәрәкәтчән уеннары белән күңелләндерделәр. Оештыручылар бәйрәм кунакларына күңелле һәм матур кәеф бүләк иттеләр. Барлык катнашучыларга бүләкләр һәм тәм-томнар тапшырылды.

Россия көнен бәйрәм итү кысаларында, 12 июньдә Олы Арташ авыл клубында " Россия-ул без!» дип аталган квест-уен узды.
Әлеге чараның педагогик кыйммәте «патриот», «гражданин», «Ватан», «Россия» кебек төшенчәләргә мөнәсәбәт формалаштыруда һәм үз илең өчен горурлык хисе формалаштыруда иде.
 Уен «Дәүләт символикасы», «Минем Ватаным - Россия», «Рус мәкальләре», «Рус табышмаклары» кебек станцияләр буйлап сәяхәт рәвешендә барды. квестта катнашучы кызларның барысы да җәйге көннәрдә яхшы кәеф алды!

8 июньдә Арташ авыл җирлегендә милли татар бәйрәме Сабантуй узды. Арташ халкы һәм килгән кунаклар төрле милли һәм спорт ярышларында көч сынаштылар. Әхмәдуллин Рифат Сабантуйның абсолют батыры булды.

6 июньдә Олы Арташ авылында Корбан бәйрәменә багышланган «Гает коймагы» дигән чара узды. Бәйрәмне хәзрәт Илдар Ралиф улы ачты. Балалар өчен күңел ачу программасы оештырылды.

31 май көнне Язлы авылы мәдәният йорты хезмәткәрләре авыл яшьләре белән бергә "Сабантуй" бәйрәменә "бүләкләр җыю"дигән традицион йола оештырдылар. Бүләк җыю вакытында күңелле гармун музыкасы белән бергә халык җырлары яңгырады.Авыл халкы кунакларны кунакчыл каршы алды, бәйгеләргә, Сабантуйда уеннар һәм ярышлар үткәрүгә юмарт бүләкләр бирде, теләкләрен җиткерде һәм алда торган бәйрәмгә шатланды. Балалар өлкәннәр белән бергә авыл буйлап йөрделәр һәм бүләкләр җыярга булыштылар. Бәйрәм йоласы барысына да бик ошады.

Балаларны яклау көне-якты, шатлыклы бәйрәм. Аларда безнең шатлык һәм өметебез, хезмәтебез һәм бәхетебез. Халыкара балаларны яклау көне уңаеннан 1 июнь көнне Олы Арташ авыл мәдәният йорты хезмәткәрләре күңел ачу уеннары үткәрделәр, балаларга коймаклы чәй эчерттеләр. Балалар һәм өлкәннәр канәгать булып, бүләкләр алып кайтып киттеләр.

30 май көнне Олы Арташ авылында искиткеч бер йола - сөлге җыю оештырылды. Сөлгеләрне яшь егетләр, кызлар, балалар күңелле итеп җыйдылар, гармунда уйнадылар, җырладылар, биеделәр. Ә бу җыелган сөлге белән Сабантуй мәйданчыгын бизәячәкләр, төрле ярышларда җиңүчегә бүләк итәчәкләр. Әлбәттә, сөлгеләр татарларның иң күркәм бәйрәме Сабантуйда да лаеклы урын алган. Сабантуйны сөлгесез күз алдына да китереп булмый.

29.май көнне Ике басу Арташ мәдәният йортында бик күңелле итеп бию түгәрәгенә йөрүче балаларның йомгаклау концертын оештырып үткәреп җибәрдек Концерт бик матур, күңелле булды. Балалар кыска гына вакыт эчен дә гәүдә тотышын, аякларны дөрес куелышын, куллар хәрәкәтен матур ясау өстендә эшләп кенә калмыйча бер сеннән берсе матур, 12 бию куя алдылар. Мин бик горурланам алар белән. Халыкара, Бөтенрәсәй, Республика күләм үткән бәйгеләр дә катнашып Лауреат, Дипломант исемнәренә лаек булдылар. Балаларның уңышларын да ата - аналар нын ярдәме, теләктәшлеге искиткеч зур, һәм ХӨРМӘТ КӘ лаек. Башлаган эшебез дәвамлы булсын иде, алга таба да бергә - бергә эшләү насыйп булсын иде дигән теләктә калабыз. Барыгызгада исәнлек саулык белән бәхетле гомер насыйп булсын алдагы көннәрегез дә. Күкләребез аяз, доньяларыбыз имин булсын

2025 елның 24 маенда Олы Арташ төп белем бирү мәктәбендә чыгарылыш сыйныф укучылары өчен соңгы кыңгырау чыңлады. Алда имтиханнар булса да, соңгы кыңгырау — барлык мәктәп бәйрәмнәренең иң дулкынландыргыч, онытылмас бәйрәме. «Соңгы» сүзе бөтен кешедә дә билгеле бер ассоциацияләр тудыра. Бу-аерылышу, сагыш, изге теләкләр. Соңгы кыңгырау-искиткеч мәктәп чоры тәмамлану символы. Һәм бу бәйрәм чыгарылыш сыйныф укучылары хәтерендә мәңгегә калырга тиеш.