ЯҢАЛЫКЛАР

Балтачның "МДСУ-1"  ҖЧҖ хезмәткәрләре Юлбат авылында Г.Тукай урамы буенча "ТР җирле әһәмияттәге гомуми файдаланудагы юлларында юл эшләре" программасы буенча юлларны ремонтлыйлар (юл фонды). Юлларны ремонтлау озынлыгы-150 м.

8 июнь көнне Юлбат авыл җирлегендә милли бәйрәм - Сабантуй-2019 үтте. Сабантуй милли уеннар, җыр-биюләр, котлаулар белән үрелеп барды. Татарча көрәштә Ришат Мөбәрәков абсолют батыр калды.

1 июнь - Балаларны яклау көне уңаеннан Юлбат мәдәният йорты, авыл китапханәсе хезмәткәрләре Юлбат төп мәктәбе каршында эшләп килуче  "Хыял " лагерында ял итуче балалар катнашында "Бәхетле балачак" дип исемләнгэн уенлы күнел ачу программасы үткәрделәр. Барлык балаларга да буләкләр тапшырылды.

25 май көнне Юлбат төп гомумбелем бирү мәктәбендә "Соңгы кыңгырау" бәйрәме үтте.

Подрядчы оешма ШЭ «Таипов» тарафыннан "Юлбат торак пунктында мәдәният йорты ремонты" объекты буенча ремонт эшләре башкарыла. Хәзерге вакытта түбә ябу эшләре бара.

 8 нче май көнне Юлбат мәдәният йорты каршында  батырлар истәлегенә куелган һәйкәл янында “Батырлар даны мәңгелек”, дип исемләнгән митинг үтте. Авыл мулласы чыгышыннан соң, җирлек башлыгы Шәмсиев Т.Р., район вәкиле Галиуллин А.М., мәктәп директоры Хаҗиев И.И.,  сугыш чоры балалары исеменнән Галиев Н.Т., мәктәп укучылары,  барлык тыл ветераннарын, сугыш чоры балаларын бәйрәм белән тәбрикләп, изге теләкләрен җиткерделәр.

4 май көнне Тенеки авыл клубында Юлбат мәдәният йорты хезмәткәрләре, китапханәче белән берлектә “Яшәү - басу кичү түгел” дип исемләнгән сугыш чоры балалары белән очрашу кичәсе булып үтте.

26 апрель көнне  Тенеки авыл клубында Юлбат мәдәният йорты хезмәткәрләре, китапханәче белән берлектә халкыбызның сөекле улы, шагыйрь Г.Тукайның туган көне уңаеннан тормышына һәм иҗатына багышланган “Бөтен буынга кадерле шагыйрь”- әдәби сәгать үткәрелде. Чарада шагыйрьнең шигырьләре кычкырып укылды. "Тукай безнең күңелләрдә" - китап күргәзмәсе тәкъдим ителде, күзәтү ясалды. Әлеге кичә “Туган тел” җыры белән тәмамланды.

20 апрель көнне Юлбат мәдәният йорты, Тенеки авыл клубы, китапханә хезмәткәрләре “Бөтен дөнья – театр” дип исемләнгән Бөтенроссия Библиосумерки акциясенә кушылды. “Мирас” клуб берләшмәсенә йөрүчеләр спектакльләрдән өзекләр карадылар, фикер алышу үткәрделәр. "Бөтен дөнья – театр» дип исемләнгән китап күргәзмәсе һәм әдәбиятка күзәтү үткәрелде.

13 апрель Тенеки авыл клубында авылдашыбыз Ландыш Димиеваның «Язмышым минем» дип исемләнгән иҗат кичәсе булып үтте. Әлеге кичә авылдашыбызның шигырьләре һәм җырлары белән үрелеп барды. Тамашачылар һәрбер чыгышны җылы алкышларга төрделәр, иҗатында уңышлар теләделәр.