ЯҢАЛЫКЛАР

20 сентябрь көнне Юлбат мәдәният йорты һәм китапханә хезмәткәрләре «Урман сукмакларында» дип аталган экологик сәгать үткәрделәр. Чарадан балалар урманнарның планетаның «үпкәсе» булуын белделәр, чөнки алар һаваны чистартырга һәм кислород җитештерергә булышалар. Табигать - зур хәзинә, ул кешегә үзенең бетмәс-төкәнмәс байлыгын юмарт бүләк итә. Ә кешеләр табигый байлыкларны сакчыл файдаланырга тиеш. ...Балалар белән викторина үткәрелде. Балалар барлык төр агачларны санап чыктылар, табигать турында шигырьләр укыдылар һәм табигатьнең җылы көнендә хәрәкәтле уеннар уйнадылар.

16 сентябрь көнне Юлбат мәдәният йорты һәм китапханә хезмәткәрләре «Кызыклы шәхесләр тормышы» циклыннан мәгълүмат сәгате үткәрделәр, анда катнашучыларны Зифа Кадыйрова һәм Галия Сафиуллинаның тормышы һәм иҗаты белән таныштырдылар. «Урланган яшьлек», «Мәхәббәт корбаннары» китапларына мәгълүмәт тәкъдим ителде. Авторларның повестьлары гади, халык телендә язылган һәм шуңа күрә укучыларга якын. «Яңа китап –яңа дус» китап күргәзмәсе оештырылды һәм әдәбиятка күзәтү ясалды. Чара барышында безгә җырчы һәм җырлар авторы Ринат Рәхмәтуллин кунакка килеп, яшьләр белән аралашты һәм тормышыннан кайбер фактларны сөйләргә өлгерде.

20 сентябрь көнне җылы көз кичендә Юлбат мәдәният йорты һәм китапханә хезмәткәрләре «Ак калфак» берләшмәсенә йөрүчеләр белән бергә  «Яшь комачауламый» дигән тематик сәгатькә җыелдылар. Чарада катнашучылар үзләренең тормыш юлларын искә төшереп, кайчандыр мәдәният йортының иҗади тормышында актив катнашуларын фоторәсемнәр аша искә төшерделәр, өлкән яшьтә туган яңа мөмкинлекләр турында сөйләштеләр. Архивтан һәм клуб тарихыннан, мәдәният йорты мөдире язган тарих язмаларын укыдылар. Күпчелек кунаклар үз хатирәләре белән чын күңелдән уртаклаштылар: үз теләкләренә һәм иҗади сәләтләренә үстерүгә катлаулы вакытларда да  ирешкәннәрен. Китапханәче кызыклы басмалар белән таныштырды, «Гаилә учагы» журналыннан «Кода белән кодагый» мәкаләсен кычкырып укыды. Чара җылы дустанә атмосферада узды, яңа очрашуларга өметләнеп аерылыштылар.

20 сентябрь көнне Юлбат авыл китапханәсе мөдире мәдәният йорты һәм мәктәп китапханәсе белән берлектә "Мәктәп укучысының мәдәни көндәлеге" дип аталган тантаналы чара һәм "Казанга тарихи  сәяхәт" исемле бердәм мәдәни дәрес үткәрделәр. Чарада балалар башкалабыз Казанның мәдәни һәм тарихи урыннары буенча виртуаль сәяхәт кылдылар. Китапханәче балаларга көндәлекне файдалану һәм тутыру кагыйдәләре белән таныштырды.Чара ахырында барлык катнашучыларга мәктәп укучысының мәдәни көндәлекләре тапшырылды. Бу гади көндәлек түгел, анда укучының эшчәнлеге чагылдырырга тиеш: мәнфәгатъләре, проблемалары, күзәтүләре, сәяхәтләре. Уку елы ахырында нәтиҗәләр ясалачак.

21 сентябрь көнне Юлбат мәдәният йорты, Тенеки авыл клубы һәм китапханә хезмәткәрләре нәни булачачак хуҗабикәләр өчен: "Кабак кына димәгез..." исемле мастер-класс үткәрделәр. Китапханәче кабакның файдалы үзенчәлекләре һәм аш-су  китапларда булган яңа рецептлар тәкъдим итте. Юлбат мәдәният йорты мөдире кабактан торт пешерү буенча мастер-класс күрсәтте, һәм чарада катнашучылар белән  бергә аны бизәделәр. Чара татлы кабак торты белән чәй табыны артында тәмамланды.

15 сентябрь көнне Юлбат мәдәният йорты һәм китапханә хезмәткәрләре Спас районы Белозерка авылында туган татар драматургиясенә нигез салучы Кәрим Гали улы Тинчуринның тууына 135 ел тулу уңаеннан «Ул кабызган утлар мәңге янар» исемле китап күргәзмәсе оештырдылар. Күргәзмәдә драматург, театр эшлеклесе, Татарстан Республикасының атказанган артисты тормышы һәм иҗаты турында китаплар тәкъдим ителде. Татар театр сәнгатен Кәрим Тинчурин исеменнән башка күз алдына да китереп булмый. Аның татар театрын, бигрәк тә совет чорын үстерүдәге эшчәнлеге искиткеч нәтиҗәле. Егерменче һәм утызынчы елларда Кәрим Тинчурин тарафыннан аның иң яхшы драматургик әсәрләре: "Зәңгәр шәл", "Ил" драмасы, "Җилкәнсезләр" комедиясе булдырылды, алар бу көннәрдә дә популяр.

10 сентябрь көнне Байлар Сабасының үзәк мәйданында Юлбат мәдәният йорты, китапханә һәм Тенеки авыл клубы  хезмәткәрләре «Кабак бәйрәме-2022» бәйрәмендә катнаштылар. Бәйрәмдә төрле номинацияләрдә катнашырга мөмкинлекләр тудырылган иде: иң зур кабак, иң матур композиция, агитбригада чыгышы, кабактан әзерләнгән иң тәмле ризыклар, иң матур фотозона, кабактан иң тәмле бәлеш. Бәйрәм барышында Юлбат мәдәният йорты “Кабактан пешерелгән иң тәмле ризыклар” номинациясендә 2 нче дәрәҗәдәге диплом белән бүләкләнде.

30 август көнне Юлбат мәдәният йорты һәм китапханә хезмәткәрләре "Чәчәк ат Татарстаным" дигән темага асфальтта рәсем ясау конкурсы үткәрделәр. Татарстан Республикасы көне турында әңгәмә, «Республикам минем - Татарстан» китап күргәзмәсенә күзәтү үткәргәннән соң, балаларга асфальтта рәсем ясау буенча биремнәр бирелде. Кызыклы викторина һәм гадәти булмаган биремнәр, кызыклы уеннар үткәрелде.

1 сентябрь көнне Юлбат төп гомүми белем бирү мәктәбендә “Белем көне» үткәрелде.  Беренче кыңгырау 14 беренче сыйныф укучысына яңгырады.

27 август көнне Юлбат мәдәният йорты, китапханә һәм Тенеки, Йосыф-Алан авыл клубы хезмәткәрләре авылдашлары белән берлектә "Җырлы биюле кичке уеннарга, болыннарга кайтам чор аша" проекты кысаларында "Кичке уен" бәйрәме үткәрделәр. Биредә урып-җыю йоласы күрсәтелде, аннан соң борынгы кичке уеннарга җыелу, кичке күңел ачулар, җырлар, биюләр, ата-бабаларыбызның уеннарын чагылдырдык.  Бу чарада катнашучылар "Түгәрәк уен", "Наза" "Биш парлы", “Гөлбану”, һ.б яшьлек уеннарын бик теләп уйнадылар . Биюләр арасындагы тәнәфесләрдә кунаклар өчен учакта пешкән тәмле ботка, тәм-том, торт, самовардан чәй белән сыйлау оештырылды. Бу чара авылдашлар өчен аралашу шатлыгын да бүләк итте. Кичә бик матур, күңелле булды һәм чын бәйрәмгә әверелде.