ЯҢАЛЫКЛАР

Әфганстаннан гаскәрләрне чыгару көне - ул әфганчы-ветераннар бәйрәме дә, һәлак булган барлык сугышчы-интернационалистларны искә алу көне дә. Шушы көн уңаеннан Эзмә авыл җирлегендә «Язмыштан без жинел юл өмет итмэдек» дип исемләнгән спорт чарасы узды. Анда сугышчы-интернационалистлар, балалар, кунаклар чакырылган иде. Тантаналы өлеш оештырылды. Аннан соң хоккей буенча ярышлар узды.

Олыяз авылында яшәуче Гатауллина  Назилә  Галиәкбәр кызы 90 яшьлек юбилеен билгеләп үтте. Юбилярга Эзмә авыл җирлеге башлыгы А.Р.Шәйхетдинов Россия Президенты котлавын тапшырды.

Пионер җырлары узган гасырның 20 нче елларында туган һәм бик зур юл үткән, үзенең эчтәлекле һәм эмоциональ потенциалын туплаган. Алар беренче пионер отряды, тимурчылар, пионер-геройларның батырлыклары, безнең гүзәл Ватаныбыз, пионерлар дуслыгы, Советлар иленең «киләчәк» омтылышлары һәм хыяллары турында сөйлилэр. Җырлар совет идеологиясенең мөһим компоненты булган, анда Пионериянең идеаллары чагылдырылган, хәзерге этапта алар югалган диярлек. Пионер җырлары-музыкаль һәм тарихи хәзинә, анда балалар бик күп файдалы нәрсәләр ала алыр иде. «04» февраль көнне Эзмә мәдәният йортында мәктәп укучылары белэн «Пионер җырлары» дигән патриотик җырлар конкурсы булып узды.

«30» гыйнвар көнне Чабья Чурчи авыл клубында мәдәният хезмәткәрләре һәм Эзмә авыл җирлеге үзешчәннәре «Җырлыйк әле» дип исемләнгән шоу - проект үткәрделәр. Шоу-проект барышында татар, халык, ретро һәм заманча җырлар яңгырады. Һәр тур матур концерт номерлары, биюләр белән үрелеп барды. Тамашачылар һәр чыгышны алкышлар белән бик җылы каршы алдылар һәм яхшы кәеф өчен рәхмәт белдерделәр, иҗади уңышлар теләделәр. Чара бик күңелле үтте.

«28» гыйнвар көнне Эзмә авыл җирлегенең Эзмә мэдэният йортында 2021 елгы эшчәнлек нәтиҗәләре буенча «Игенче» хужалыгынын отчет җыелышы булды. Киңәшмәдән соң, авыл хуҗалыгы алдынгылары хөрмәтенә популяр артистлар Рөстәм Закиров, Люция Мусина, Миләүшә һәм Айрат Закировларның зур концерты булды.

Эзмә авыл җирлеге яшьләре актив рәвештә физик культура белән шөгыльләнә, Татарстан Республикасы Саба муниципаль районында уздырыла торган барлык спорт чараларында катнашалар.

Искечә Яңа ел – 13 гыйнвардан 14 енә каршы төндә иске стиль буенча билгеләп үтелүче рәсми булмаган популяр бәйрәм. Иләбәр авыл китапханәсе һәм клуб хезмәткәрләре әлеге бәйрәмне билгеләп үтү максатыннан “Бәхет елы булсын Яңа ел” дигән исем астында бәйрәм чарасы уздырдылар. Тамашачылар җырлы – биюле уеннарда актив катнаштылар. “Бәхетеңне сына” дип исемләнгән оттырышсыз лотерея уенында катнашып призлар оттылар. Чара бәйрәм дискотекасы белән тәмамланды.

Олыяз мәдәният йортында Иске яңа ел күңелле үтте

Яңа ел - әкият һәм тылсымлылык бәйрәме, могҗиза һәм бүләкләр, яңа өметләр һәм иң яхшы һәм якты киләчәккә ышаныч бүләк итә торган бәйрәм. «13» гыйнвар көнне Эзмә мәдәният йортында «Иске Яңа ел» исеме астында Яңа ел кичәсе булып узды. Бу яңа ел кичәсенә килүчеләрнең барысы да бүләкләр һәм яхшы кәеф белән таралыштылар.

Яңа ел - әкияткә һәм могҗизага ышанып, балалар озак көтә торган бәйрәм. Яңа ел бәйрәме-тылсымлы елмаюлы, үзенчәлекле костюмлы, күңелле әйлән-бәйлән һәм җырлы бәйрәм. Эзмә мәдәният йортында балалар өчен «Яңа ел әкияте» дип исемләнгән бәйрәм-күңел ачу программасы булып узды. Балалар әкият дөньясына чумдылар кебек. Программа тылсымлы фея барлыкка килү белән башланды. Кыш бабай белән Кар кызы, шулай ук зур үгез һәм юлбарыс барлыкка килү һәр баланың күңелендә зур шатлык һәм соклану уятты. Әкият геройлары балаларның гына түгел, әти-әниләрнең дә күңелләренә хуш килде.