ЯҢАЛЫКЛАР
21 июнь көнне Олы Кибәче авыл җирлегендә Бөек Ватан сугышы ветераннарына салынган Олы Кибәче һәм Төбәк авылларындагы һәйкәл-обелисклар янында "Хәтер шәме" акциясе булды.
Бүген, 18 июнь көнне Төбәк авылында яшәүче Васильева Мария Николаевнага 90 яшь тулды. Юбилярны котларга Саба муниципаль районының халыкны социаль яклау бүлеге җитәкчесе М.М. Хуҗин, Саба муниципаль районы башкарма комитетының экономика бүлеге җитәкчесе М.М. Баһманов, Олы Кибәче авыл җирлеге башлыгы А.К. Сафин, Мария Николаевна 25 ел башлангыч сыйныфлар укытучысы булып эшләгән Олы Кибәче урта мәктәбе укытучылары килгән иде. Юбилейга шулай ук Мария Николавнаның балалары, оныклары да җыелган.
9 июнь көнне Олы Кибәче авыл җирлегендә милли бәйрәм Сабантуй бәйрәм ителде. Бәйрәм чарасы балалар биюе , "Сәрвиназ" фольклор ансамбле чыгышы белән башланып китте. Аннары балалар алда торган эшче һөнәрләр чемпионаты World Skills ны чагылдырып чыгыш ясадылар. Сабантуй төрле спорт һәм милли уеннар белән үрелеп барды. Бәйрәм кунаклары Ләйсән Гимаева һәм Булат Бәйрәмовның да чыгышлары җылы кабул ителде. "Татарча көрәш" буенча абсолют батыр булып Олы Кибәче авылы егете Фирдүс Бәшәров калды.
25 май көнне Олы Кибәче урта мәктәбендә 11 нче сыйныфны тәмамлаучы 5 укучы өчен Соңгы кыңгырау яңгырады. Балаларны бәйрәм белән районнан "Татэнергосбыт" оешмасы җитәкчесе Р.Х. Галимҗанов, район балалр иҗат үзәгенең тәрбия эшләре буенча урынбасары Гайнетдинова Ф.Ф., авыл җирлеге башлыгы А.К. Сафин һ.б. котлады. Бәйрәмдә катнашкан һәркем аларга уңышлар һәм бәхетеле киләчәк теләде.
24 май көнне Олы Кибәче авылы мәчетендә ПАО "Ак барс банк" генераль директоры Гәрәев Зөфәр Фәнил улы ифтар ашы уздырды.
Олы Кибәче авыл җирлегендә җәйге чорга көтү чыгару, җирлекнең чисталыгы һ.б мәсәләләр буенча гражданнар белән җыелыш уздырылды. Шулай ук малларга ветеринария хезмәте күрсәтелде.
8 майда Олы Кибәче авыл җирлегендә Бөек Җиңүнең 74 еллыгына багышланган митинг булып узды. Ветераннарны бәйрәм белән районнан Габтерахманов Д.Р. котлады. Сугышта һәлак булган һәм исән сау кайтып вафат булган ветераннар хөрмәтенә веноклар куелды.
Олы Кибәче урта мәктәбе укучылары "Җырлы-моңлы балачак" исемле программа белән әти-әниләр һәм авылдашлары каршында чыгыш ясадылар.
Олы Кибәче авыл җирлегендәге барлык бюджет оешмалары эшчеләре, укучылар, балалар бакчаларында тәрбияләнүчеләр "Урман утырту көне" акциясендә катнашып агачлар утырттылар.
Олы Кибәченең "Күбәләк" балалар бакчасы "Балачагым" дип исемләнгән иҗат-отчет концерты белән чыгыш ясады. Концертта бакчаның кечкенәләр һәм зурлар төркеменә йөрүче балалар, шулай ук Төбәк филиалы балалары катнашты.