ЯҢАЛЫКЛАР

12 нче апрель көнне Олы Кибәче авыл клубында укытучылар коллективы, укучылар катнашында Ватанны саклаучылар елы һәм Бөек җиңүнең 80 еллыгы уңаеннан, « Йөрәктән - йөрәккә » дип исемләнгән хәйрия концерты булып үтте. Концерттан җыелган акча махсус хәрби операция барган зонада хезмәт итүче егетләргә ярдәмгә юнәлдереләчәк. Кичәгә Украинада хезмәт итүче егетләрнең әти-әниләре, туганнары ,авылдашлар җыелган иде. Килгән һәркем моңланып та, сагышланып та утырды, ял да итте. Сәхнәдәге һәр чыгыш көчле алкышларга күмелде. Патриотик жыр-биюләр, шигырьләр күпләрнең күзләрен яшьләндерде. Залда махсус хәрби операциядэ катнашучы егетләрнең фотосурәтләрен карап, тын калып, аларны зур горурлык белән искә алдык. Концертка килүчеләрнең күп булуы да халкыбызның бердәм булуына ачык мисал булып тора. Чарага килгән һәркем сугыштагы егетләребезгә ярдәм итәр өчен кечкенә генә булса да үз өлешен кертте. Без мондый чаралар, кичәләр бик кирәктер дип уйлыйбыз, чөнки алар халыкны берләштерә, аның рухи байлыгын үстерә. Авыр вакытта үз илең һәм халкың белән бергә булу, кулыңнан килгәнчә ярдәм итү- чын патриотизм ул. Олы Кибәче урта мәктәбе коллективы оештырган хәйрия концерты да жиңүгә бер өлеш. Дөньяларга тынычлык, илебезгә иминлек килсен! Ир - егетләр исән-имин әйләнеп кайтсыннар, дигән теләктә калабыз!

"Саба" ҖЧҖ нең Кибәче бригадасында басуларга аммиак селитрасы ашламасы кертәләр. Трактористлар Бәширов Илдус, Шәрәфиев Илназ һәм аларның ярдәмчеләре люцернадан мул печән уңышы алу өчен көч куялар.

Олы Кибәче урта мәктәбе укучылары Казан шәһәренә экскурсиягә бардылар. Алар анда "Россия-минем тарихым" тарихи паркында һәм Эрмитаж Казан музеенда булдылар.

Олы Кибәче урта мәктәбе яшь армиячеләре МХОда һәлак булган Шириев Илназ Наил улы каберендә булдылар. 2025 елның 8 апрелендә аңа 43 яшь тулган булыр иде. Геройның каберен күрү, баш иеп, аның якты истәлеген хөрмәтләү балалар өчен намус эше иде. Заманында Илназ безнең мәктәптә укыган. Мәктәптә аның тормышына һәм батырлыгына багышланган экспозиция урнаштырылган. Укучылар Олы Кибәче урта гомуми белем бирү мәктәбендә тәрбияләнгән чын герой истәлегенә баш ияләр.

Олы Кибәче урта мәктәбенең укучылары, укытучылары һәм техник персоналы үз территорияләрен җыештыру өмәсенә чыктылар.

Төбәк авыл клубында ремонт эшләре дәвам итә. Бүлмәләрнең ишекләре алмаштырылды һәм идән шомартыла. Эшләрне ПМК-159 оешмасы башкара.

Олы Кибәче авыл җирлегендә санитар-экологик айлык кысаларында өмә оештырылды. Бюджет оешмалары эшчеләре һәм Олы Кибәче урта мәктәбе укучылары үз территорияләрен һәм юл буйларын чүп-чардан җыештырдылар.

Төбәк авыл клубында ремонт эшләре дәвам итә. Эшне ПМК-159 оешмасы башкара.

29 март көнне Олы Кибәче авыл җирлегендә язгы көн-төн тигезләшүе бәйрәме Нәүрүзне билгеләп үттеләр. Төрле күңелле халык уеннары уйналды һәм пылау белән сыйландылар.

Төбәк авыл клубында ремонт эшләре бара. Түшәм сестемасын сүтү эшләрен башкардык. Бүгенге көндә стеналарны шпаклевкалау эшләре бара. "159 нчы ПМК" ҖЧҖ подряд оешмасы.