ЯҢАЛЫКЛАР

Олы Кибәче авылында күпфатирлы йорт янында "Безнең ишегалды" программасы буенча эш дәвам итә. Йортка керү юлына тротуар җәелде һәм балалар мәйданчыгы өчен җиһазлар урнаштырыла башлады.

Россия флагы көне-россиялеләрнең барлык буыннары бәйрәме,бөек ил тарихына хөрмәт күрсәтү. Өч төсле байрак Россия дәүләте барлыкка килү белән тыгыз бәйләнгән, ул хәрби җиңүләр һәм казанышлар символына әверелде. Ел саен 22 августта барлык россиялеләр Россия Федерациясенең Дәүләт флагы көнен бәйрәм итәләр. Бу бәйрәм бездә бөек илебез, ватандашларыбыз өчен горурлык хисе уята. Балаларны Россия Федерациясе символлары, аларның билгеләнеше һәм ил гражданины тормышындагы роле белән таныштыру өчен Олы Кибәче авыл китапханәсендә «Безнең триколор»чарасы узды. Балалар Россия Дәүләтенең флагы тарихы белән таныштылар, шулай ук 17 — 19 гасырларда флагның кызыл төсе батырлыкны, иманны саклауны, каһарманлыкны, киң күңеллелекне, фидакарьлекне, утны, үлем сугышын, зәңгәр төсе — күк йөзен, тугрылыкны, рухилыкны, ак төсе — тынычлыкны, чисталыкны символлаштырганлыгын белделәр. Чараның икенче өлешендә балалар РФ триколорын  альбом битләренә төсле йоннан ясадылар.

Олы Кибәче авылының "Фәнил" мәчете декоратив утлар белән бизәлде. Моңа Гәрәев Зөфәр Фәнил улы спонсорлык итте. Мәчет хәзер ерактан авылга ямь биреп тора.

Олы Кибәче авыл җирлегендә физкультурачылар көненә багышлап футбол ярышы оештырылды. Ярышта 3 команда катнашты. Командалар авыл җирлеге башлыгының дипломнары һәм баллы күчтәнәчләр белән бүләкләнделәр.

"Саба" ҖЧҖ Кибәче бригадасы сенаж әзерләү белән шөгыльләнә. Бүгенге көндә берьеллык үләннән 7000 тонна, күпьеллык үләннән 3100 тонна сенаж әзерләнгән. Бу сусыл азык белән 4 траншея тутырылган.

Олы Кибәче авыл җирлегендә 10 урында ДРЛ лампалы урам утлары светодиодлы лампаларга алыштырылды.

Олы Кибәче авыл җирлегендә шәхси хуҗалыкларда 152 берәмлек авыл хуҗалыгы техникасы исәптә тора. Саба муниципаль районы буенча техник карау инспекторы Ибрагимов И.Н. шушы техникаларга еллык карау уздырды.

Олы Кибәче авыл җирлеге территориясендә "Бердәм Россия" партиясенең мобиль бригадасы сайлау алды агитациясе уздырды.

Төбәк авылында 80/20 программасы буенча торак йорт төзелеше бара. Бүгенге көндә төзүчеләр йортның эчке ягында бүлү һәм тавыш изоляциясе эше белән шөгыльләнәләр.

Олы Кибәче балалар бакчасында капиталь төзекләндерү эшләре дәвам итә.