ЯҢАЛЫКЛАР
Олы Кибәче авылында гражданнарның үзара салым акчасына җирле әһәмияттәге урам юллары төзекләндерелде. Авыл халкы өчен юлларның торышы бик мөһим элемент. Шуңа күрә ел саен бюджеттан әлеге максатлар өчен шактый зур сумма бүлеп бирелә. Быел юлларны ремонтлауга 500 мең сумнан артык акча тотылды. Юлларга вак таш "Рамазан" ҖЧҖ тарафыннан салынды. Алар ел саен үз эшләрен сыйфатлы һәм намуслы башкаралар.
Олы Кибәче авылында Ворошилов һәм Гагарин урамнары арасында җәяүлеләр күпере авария хәлендә иде. 2025 елда үзара салым акчасына гражданнар бу урында яңа күпер төзергә карар кылды. Менә шәхси эшмәкәр Нәбиуллин И.Ф. оешмасы бу җәяүлеләр күперен санаулы көннәрдә төзекләндерде. Хәзер халык яңа җәяүлеләр күпере ярдәмендә елганы имин кичә.
Төбәк авылында гражданнарның 2025 ел өчен үзара салым акчасына "Йөзлеки" чишмәсе төзекләндерелде. Чишмә Ленин һәм Яшьләр урамнары арасында урнашкан. Элек, авылда суүткәргеч булмаганда, авыл халкы бу чишмәдән 100% файдаланган. Ләкин бу тарихи урын соңыннан ташландык хәлгә килгән иде. Менә халык бу чишмәне торгызырга, ара-тирә генә булса да чишмә суын эчәргә карар кылган. Чөнки чишмә суы алмашу процессын һәм баш миенең активлыгын яхшырта, көч артуны тәэмин итә һәм яшәрүгә ярдәм итә, тире һәм чәч өчен файдалы. Авыруларның тулы бер спектрын профилактикалауда ярдәм итә.
Төбәк авылында Төбәк авыл кдлубы мөдире һәм күрше авылларның мәдәният хезмәткәрләре урам концерты оештырдылар. Август аеның ямьле бер кичендә Төбәк авылы урамнары җыр-моңнарга күмелде. Халык эш көненән соң рухи ял итте.
Төбәк авылында үзара салым акчасы хисабына чишмә һәм аның тирә-ягын төзекләндерү эшләре башланды. Эшне ИП Нәбиуллин И.Ф. оешмасы эшчеләре башкара.
Олы Кибәче авылында инеш аша җәяүлеләр күпере төзелә башлады. Ул үзара салым акчасы хисабына эшләнә. Эшне ИП Нәбиуллин И.Ф. оешмасы башкара.
Олы Кибәче авыл җирлегендә Олы Кибәче авылының Солнечная урамындагы 24 җир кишәрлегенә газ торбасы сузу эшләре башланды. Эшне "Элиттеплогаз сервис" оешмасы башкара.
"Саба" ҖЧҖ нең Кибәче бригадасы 359 га көзге бодай уңышын җыеп алуны төгәлләп килә. Уңыш якынча 35ц\га чыга. Комбайнчылар Гатиатуллин Рөстәм һәм Мубараков Рәдиф, КамАЗ шоферы Сабиров Илгизәр уңышны вакытында җыеп алу өчен тырышып эшлиләр.
"Саба" ҖЧҖ нең Кибәче бригадасы 2025 елгы урып-җыю эшләрен башлап җибәрде. Ындыр табагына 359 га җирдән көзге бодай уңышы кайта башлады. Уры-җыю эшләрендә шулай ук җәйге каникул вакытында эшкә алынган Олы Кибәче урта мәктәбе укучылары да ярдәм итә.
Олы Кибәче авыл җирлегенең "Сабантуй" ял һәм сәламәтлек паркы мәйданында "Яхшы кәеф дулкынында" дигән урам концерты булды. Олы Кибәче, Тимершик, Мишәбаш, Югары һәм Түбән Симет һәм башка клуб мөдирләре авыл халкына матур җырларын бүләк иттеләр, халыкны ял иттерделәр.