ЯҢАЛЫКЛАР
«Милләт яме-йола, бәйрәмнәрдә» фестиваль-конкурсы Татарстан Республикасында милли мәдәниятләр һәм традицияләр елына багышлана һәм Саба муниципаль районы предприятиеләре, оешмалары, учреждениеләре һәм авыл җирлекләре коллективлары арасында үткәрелә. Һәр коллектив традицион-халык йолаларының театральләштерелгән куелышын күрсәтә.
Олы Нырты авылы мәдәният йортында, китапханә белән берлектә, өлкәннәр көненә багышланган- «Сезнең йөрәк әле һаман яшь» дип исемләнгэн бәйрәм кичәсе булып узды. Өлкән яшьтәге апа – абыйларыбызны Олы Нырты башлангыч мәктәбе укучы яшь талантларыбыз котлады. Укучылар башкаруындагы дәртле биюләр, матур эчтәлекле җырлар, өлкәннәребез хөрмәтенә әзерләнгән иң матур бүләкләрнең берсе иде.
Чәбия Чүрчи авыл клубында Өлкәннәр көненә багышланган бәйрәм кичәсе узды. Олы яшьтәгеләр өчен балалар шигырьләр сөйләделәр, биеделәр, яхшы сәламәтлек, яхшы кәеф, активлык һәм озын гомер теләделәр.
Олы Нырты авыл китапханәсе мөдире балалар белән «Миләшкәй» балалар бакчасында тәрбияче белән берлектә педагог һәм остаз елына багышланган «Тәрбияче көне белән» дигән открыткалар ясау буенча мастер-класс үткәрделәр . Чара башында балаларга тәрбияче һөнәренең мөһимлеге , авыр, әмма игелекле хезмәт икәне турында мәгълүмат бирелде. Дәрес барышында балалар үзләренең яраткан тәрбиячеләре турында сөйләделәр, бер-берсен яратулары турында әйтеп үттеләр.
Абдулла Алишның туган көне уңаеннан Олы Нырты авыл китапханәсендә яраткан язучыбызга багышланган «Алишның яраткан китаплары битләре буенча» дип аталган әдәби сәгать үткәрелде.
Чәбия Чүрчи авыл клубында Милли мәдәниятләр һәм традицияләр елына "Көзге пироглар бәйрәме" фольклор кичәсе уздырылды.
Олы Нырты авыл китапханәсе мөдире Украинадагы махсус хәрби операциядә катнашкан Газизянов Рифнур белән очрашу оештырды. "Без синең белән горурланабыз", - диде ул. Якташыбыз хәрби хәрәкәтләр зонасыннан кыска вакытлы ялга кайтты.
Урта Нырты авыл клубы мөдире «Яшьлек җырлары» дип исемләнгән фольклор утырышны оештырды. Чарага хатын-кызлар һәм баянчы Хәлил Кадыйров – «Сәйлән» фольклор коллективында катнашучылар килде.
Үсеп килүче буынны Дагыстан шагыйре Рәсүл Гамзатов белән таныштыру максатыннан, Олы Нырты авыл китапханәсе мөдире табигатьтә «Ак торналар»дигән әдәби - шигъри сәгате оештырды . Ә китапханәдә «Ак торналар» дигән китап күргәзмәсе эшләде
Урта Нырты авыл клубында сезон ачылышы хөрмәтенә Урта Нырты авыл клубы, Сабабаш авыл клубы, Туктар авыл клублары белән берлектә “Зур концерт” дип аталган концерт оештырылды. Шулай ук СВОда катнашучыларның әти-әниләре һәм ялга кайткан Газизянов Рифнур Рифкат улы үзе дә чакырылды.Урта Нырты авыл клубы мөдире әти-аниләргә теләкләр теләп чәчәк бәйләмнәре һәм бүләкләр тапшырды.