ЯҢАЛЫКЛАР

22 мартта Шәмәрдән авыл җирлегендә Нәүрүз бәйрәме билгеләнеп үтте. Бәйрәм барышында оешма, предприятие, учреждение хезмәткәрләреннән концерт номерлары, бәйрәм кунаклары өчен сыйлар, күңелле старт, тамашачылар белән уеннар күрсәтелде.

20 мартта Шәмәрдән авылы зонасы хезмәт коллективлары арасында волейбол буенча хатын-кызлар турниры тәмамланды. Турнирда барлыгы 8 команда катнашты. Турнирның җиңүчеләре һәм призерлары: 1 урынны Яшьлек командасы яллады, 2 урынны – Югары Утар балалар йорты  командасы, 3 урынны - Шемордан лицей командасы, 4 урынны ХПП командасы алды. Командаларны котлыйбыз һәм турнирның район этабында призлы урыннар алырга телибез.

15 март көнне Мичәнбаш авыл клубында мәдәният хезмәткәрләренең чираттагы семинар-кинәшмәсе югары дәрәжәдә әзерлекле узды. Семинарда клуб берләшмәләренен эшчәнлеге яктыртылды: Р.Сәетгәрәевның “Тәүбә йорты” спектакеленнән өзек сәхнәләштерелде һәм балалар, яшьләр катнашында матур, узенчәлекле концерт программасы тәкъдим ителде. Уллары махсус хәрби операциядә катнашучы аналар хөрмәтләнде. Мичәнбаш авыл клубының эшчәнлегенә отчет-анализ ясалды. Мәдәният бүлеге начальнигы Рөстәм Фидаил улы мәдәният булегенен алга куелган бурыч- максатлары белэн таныштырды, эшчәнлеккә курсәтмәләр бирде. Киңәшмә югары дәрәҗәдә узды. Клуб мөдире Гаврилова Альбина Борис кызына зур алга таба да иҗади уңышлар телибез!

12 март көнне Мичанбаш авылы мәдәният йортында Халыкара хатын-кызлар көненә багышланган бәйрәм концерты узды. Әлеге чарага авыл клубы тарафыннан авылдашлары өчен котлау хатлары конкурсы игълан ителде. Концерт барышында җиңүчеләр билгеләп үтелде һәм истәлекле бүләкләр тапшырылды. Шулай ук "Зәңгәр шәл"спектакленнән өзек куелды. Яраткан әниләр , әбиләр һәм барлык хатын-кызлар өчен үзешчән сәнгать башкаруында музыкаль котлаулар яңгырады.

Шәмәрдән авыл җирлегендә кар чыгару эшләре бара. Эшләрне подрядчы ҖЧҖ "Шәмәрдән торак-коммуналь хуҗалык муниципаль җитештерү предприятиесе” алып бара.

11 март көнне  Юдино бистәсендә "Russiaioppet" 56-Казан чаңгы марафоны узды. Шәмәрдән егете Вайисов Улугбек ирекле стильдә 5 км дистанциядә беренче урынны яулады.

23 февраль көнне Шәмәрдән мәдәният йорты Ватанны саклаучылар көне уңаеннан “Ватанга хезмәт итәм!” дип аталган чара уздырды. Автойөрешнең тантаналы старты мәдәният йорты территориясеннән башланды. Автойөрешнең төп максаты патриотик рухны күтәрү иде.

5 мартта Саба муниципаль районының Лесхоз бистәсендә 2023 ел сезонында ир-ат командалары арасында  хоккей буенча Саба районы Чемпионаты тәмамланды. Шәмәрдән авыл җирлеге командасы икенче урынны алды. Командага уңышлар һәм алга табада җиңүләр телибез.

2023 елның 25 февралендә үзенең зур юбилее - 90 яшьлеген, Ситдикова Тәскирә Вәли кызы билгеләп үтте. Әлеге истәлекле көнне Таскира Вәли кызын Саба муниципаль районы башкарма комитеты җитәкчесенең инвестицион үсеш һәм  эшкуарлыкка ярдәм итү буенча урынбасары И.И. Котдусов котлады һәм юбилей уңаеннан Саба муниципаль районы башлыгы Р.Н. Миңнехановның Рәхмәт хатын тапшырды. Шулай ук юбилярны котларга Шәмәрдән авыл җирлеге башлыгы А.Н. Гәрәев һәм озак еллар бергә эшләгән хезмәттәшләре килде.

Таскира Вәли кызы гомерен иҗтимагый тормышка багышлады. Намуслы хезмәте өчен «Хезмәт батырлыгы өчен» медале, «В.И. Ленинның тууына 100 ел тулу уңаеннан Фидакарь хезмәте өчен» юбилей медале, «Хезмәт ветераны» медале белән бүләкләнде; аңа «Татарстан АССРның Атказанган икътисадчысы»исеме бирелде. Күп мактау грамоталары һәм аерма билгеләре бар.

18 февраль көнне Шәмәрдән мәдәният йортында " Ил язмышы – ирләребез!" Әфганстаннан совет гаскәрләрен чыгаруга 34 ел тулуга багышланган чара узды.  Чара концерт номерлары белән алмаштырылган театральләштерелгән тамашадан башланды. Чарада Шәмәрдән модель китапханәсе хезмәткәре Л.Д. Мөхәммәтҗанова, "Юнармия"мәктәп отряды активистлары катнашты. Бу кич тамашачылар өчен документаль һәм әдәби-сәнгать стилендә тәкъдим ителде.