ЯҢАЛЫКЛАР

Үз-үзеңне изоляцияләү режимында бер кешегә дә җиңел түгел. Шул уңайдан, "Ярдәм янәшә! Помощь рядом!" республика хәрәкәте, "Магнит" компаниясе белән берлектә, дүрт бала тәрбияләүче гаиләләргә ярдәм йөзеннән хәйрия акциясе оештырды. Бу акция кысаларында, Сатыш авыл җирлегендә Хайруллиннар гаиләсенә азык-төлек җыелмасы тапшырылды.

Сатыш авыл җирлеге территориясен чүп-чардан чистарту буенча эш башкарылды.

 Сатыш авылы Тукай урамы буенча урнашкан яңа җир участоклары өчен су белән тәэмин итүнең тышкы челтәрләрен салу эшләре башкарыла.

Татарстан Республикасы Президенты инициативасы белән үзизоляция вакытында “Ярдәм янәшә! Помощь рядом!” акциясенә старт бирелде, аның кысаларында гражданнарның аерым категорияләренә азык-төлек җыелмаларын тарату оештырылды. Мондый җыелмаларны Сатыш авыл җирлегеннән 15 гаилә алды.

Сатыш авыл җирлеге урманнарында янгын куркынычсызлыгын тәэмин итү максатыннан, урманга якын территорияләрне барлыгы 7 км озынлыкта янгынга каршы минераллаштырылган полосалар белән бүлү буенча эш башкарылды.

Яраткан шөгылең булу, нинди дә булса сәләткә ия булу - үзе бер зур бәхет. Шундый сәләтле кешеләрнең берсе Саба районы Сатыш авылында яши.Ул Әбүбәкеров Рамил Исхак улы. Рамил абыйның балачактан ук яраткан шөгыле рәсем ясау. Аның өенә керсәң үзеңне картиналар галереясында кебек хис итәсең. Күбрәк буш вакытында табигатьне сурәтләргә ярата ул. Аның һәрбер картинасыннан яктылык сирпелә.

Хәзерге вакытта Казанчы Бигәнәй авылы зиратында яңа буыннар өчен тарихи истәлек булган Ишан хәзрәтнең гаилә каберлеге саклана. Уналты метрга якын мәйдан били торган кабер табигый таш койма белән әйләндереп алынган. Каберлектә Ишан гаиләсе әгъзалары, якыннары җирләнгән. Вәлиәхмәт Ишан кабере каберлекнең уң почмагында урнашкан. Кызганычка каршы, аның кабере һәм таштагы язулары сакланмаган инде.

Яз җитеп җир йөзе кардан арыну белән табигатьтә корылык башлана. Бу чорда бигрәктә коры үлән һәм урман-полосаларны янгыннан сакларга кирәк. 10  апрельдән 17 майга хәтле кертелгән янгынга каршы режим шартларында деподагы янгын сүндерү машинасының төзеклелеген  һәрдаим контрольдә тотабыз.

18 апрельдә Халыкара һәйкәлләр һәм тарихи урыннар көне (Бөтендөнья мирас көне) билгеләп үтелә.

Сатыш авылы мәдрәсәсе ХІХ гасыр ахыры-XX гасыр башында төзелгән.

Сатыш авыл җирлегендә 65 яшьтән өлкәнрәкләр өчен  волонтерлар тарафыннан продукция һәм дарулар китерү оештырылды.