ЯҢАЛЫКЛАР
Мамалай авылында су башнясын урнаштыру буенча эш башкарылды. Эшне Саба күптармаклы җитештерү предприятиесе башкара.
Безнең борынгы бабаларыбыз авылга нигез салганнан соң, авыл тирәсендә инеш, елга, күл, урамнарга, гомумән әйләнә тирәдәге объектларга исемнәр биргәннәр.Вакыт үтү белән бу исемнәр үзгәргән,бер өлеше юкка чыккан,бер өлеше исә вакыт сынавын узып безнең көнгә кадәр килеп җиткән. "Туган як тарихы " дип исемләнгән экскурсия барышында балалар белән Ленин (халык телендә әйтсәк болын очы) урамына юл тоттык.Урамыбызның өлкән, мөһтәрәм кешесе Габделәхәт абый Шакиров белән Сатыш авылы, урамнары тарихы турында әңгәмә кордык.Ул балаларга шушы урамда туып үскән кешеләр турында,урамның исеме ниләр аңлатканын сөйләде, үзенең изге теләкләрен балаларга җиткерде.
Гаилә, мәхәббәт, тугрылык, балалар - һәр кеше тормышында иң мөһим кыйммәтләр. Сабыйлар өчен гаилә булып әни һәм әти, әби һәм бабай, абый-энеле һәм сеңелләре тора. 8 июль көнне Мамалай авыл мәдәният йорты мөдире Гаилә, мәхәббәт һәм тугрылык көне уңаеннан «Минем гаиләм» дип исемләнгән рәсем конкурсы үткәрде. Чара барышында балалар плакатлар һәм рәсемнәр ясадылар. Алар үзләренең рәсемнәрен әти-әниләренә бүләк итәргә һәм аларны котларга булдылар. Балаларга бик ошады һәм ахырда татлы бүләкләр тапшырылды.
Казанче Бигәнәй авыл китапханәсе мәдәният йорты белән берлектә "Ямьле Саба" проекты кысаларында Муса Җәлил урамы буйлап, авыл тарихына багышланган "Авылым урамы буйлап сәяхәт" дип исемләнгән экскурсия оештырдылар. Китапханәче авыл, герой–шагыйрь М.Җәлил,хезмәт сөючән кешеләр, биналар турында сөйләде.
Чәбки-Саба авылында Бөек Ватан сугышында яу кырында ятып калучылар истәлегенә монумент ачылды. Монументны ясаучы- Хәсәнов Рәис һәм Хөсәенов Илдус абыйларга рәхмәтебезне белдерәбез.
Мамалай авылында су белән тәэмин итү челтәрләрен төзү буенча эш алып барыла. Ленин һәм Чапаев урамнары буенча суүткәргеч челтәрләр төзү, яңа су башнясы һәм янгын гидратлары урнаштыру планлаштырыла. Эшне Саба күптармаклы җитештерү предприятиесе башкара.
20 июнь көнне Казанчы Бигәнәй авыл китапханәсе, мәдәният йорты белән берлектә, Халыкара Әтиләр көненә багышланган "Минем әти " дип исемләнгән рәсем конкурсы үткәрде.
21 июнь көнне һөнәри бәйрәм уңаеннан Мамалай авыл клубы хезмәткәрләре балалар белән " Медицина хезмәткәренә котлау открыткалары" ясадылар һәм авыл фельдшеры Гарипова Гүзәлия апаларын котладылар.
Сатыш авыл җирлегендә "Россия суы"- "Чиста яр" бөтенроссия акциясе узды.
Сатыш авылында яңа җәяүлеләр тротуарын салу буенча эш дәвам итә. Тротуарның озынлыгы-1,04 км. Эшне "Спецдорстрой" ҖЧҖ башкара.