ЯҢАЛЫКЛАР
Татарстан Республикасы Саба муниципаль районы чигендәге мәйданчыкны төзекләндерү буенча эшләр башкарылды.
Саба муниципаль районы Сатыш авылы яр буен төзекләндерү эше тәмамланды. Эшне "ПМК - Мелиорация" ҖЧҖ башкара.
Татарстан Республикасы муниципаль берәмлекләре арасында республика смотр-конкурсы җиңүчесе. "Сатыш авыл җирлеге" муниципаль берәмлегенә социаль - икътисади үсештә ирешкән нәтиҗәләре өчен автомобиль бүләк ителде.
6 ноябрь көнне Бигәнәй мәдәният йортында китапханә белән берлектә «Халыклар дуслыгында-көч»дип исемләнгән концерт номерлары белән әдәби-музыкаль кичә үткәрелде.”Татарстан-минем республикам" дип исемләнгән китап күргәзмәсе тәкъдим ителде.
Яшь буынны патриотик рухта тәрбияләүне пропагандалау максатыннан, Ш.З.Зиннуров исемендәге Сатыш урта гомуми белем бирү мәктәбе укучылары авылдагы һәйкәл-обелискка бардылар. Арабыздан вакытсыз киткән Бөек Ватан сугышы каһарманнарын искә алдылар. Укучылар һәйкәлнең тирә-ягын чүптән арындырдылар.
Мамалай авыл клубы мөдире балалар өчен "Үз сәламәтлегеңне сакла" дип исемләнгән сәламәтлек сәгате үткәрде. Чараның максаты: сәламәт яшәү рәвешен формалаштыру, балаларны үз сәламәтлекләре турында кайгыртырга өйрәтү. Бер-береңә дусларча мөнәсәбәт һәм ярдәмчеллек тәрбияләү.
Бигәнәй мәдәният йортында китапханә белән берлектә,туган телләр һәм халыклар бердәмлеге елы уңаеннаң “Мин кулыма китап алам” дип исемләнгән интеллектуаль уен үткәрделәр.
Саба муниципаль районы Сатыш авылы яр буен төзекләндерү эше дәвам итә. Эшне "ПМК - Мелиорация" ҖЧҖ башкара.
Сатыш авыл мәдәният йортында китапханә белән берлектә танылган шагыйрә С.Сөләйманованың тууына 95 ел тулу уңаеннан "Мин җырларымны көйгә салдым" дигән темага әдәби сәгать үткәрелде.
Балаларны китапханәгә даими йөрүгә җәлеп итү, аларны китап укуга тарту максатыннан, 18 октябрь көнне Салыш авыл китапханәсендә 1 нче сыйныф укучылары өчен "Китапханә белән танышу" дип исемләнгән китапханә дәресе үткәрелде. Дәрестә катнашучылар китапханәнең "китап патшалыгы", китап бүлекләре, китаплар урнаштыру тәртибе белән таныштылар. Иң танылган һәм популяр китап һәм журналлардан торган күргәзмә оештырылды.