ЯҢАЛЫКЛАР

Татар халкы үзенең традицияләре һәм гореф-гадәтләре белән кызыклы һәм уникаль. «Кич утыру»йоласы халык арасында шундый яратканнарның берсе булып тора. Элек - электән авыл хатыннары, кичләрен бер өйгә җыелып, кул эшләре белән шөгыльләнгәннәр: кызлар бирнәгә сөлге, ашъяулык, пәрдә һәм яулык чигәләр, ә өлкәнрәк хатыннар яулык, оекбаш, бияләй бәйлиләр. Шунда ук төрле уеннар оештырганнар, җырлаганнар һәм биегәннәр.

Килдебәк мәдәният йорты  "Умырзая" клуб формированиесе членнары 10 август көнне «Кич утыру» фольклор куренеше үткәрде. Чара барышында катнашучылар үзләренең яшьлек утырышларын, уеннарын, җырларын һәм биюләрен искә төшерделәр. Сөйләшүләр җылы шартларда самовар янындагы өстәл янында дәвам итте.

Милли кием-теләсә кайсы халык мәдәниятенең аерылгысыз өлеше. Бу кием генә түгел, ә бөтен халык турында сөйли ала торган зур тарих. Аны традиция һәм гореф-гадәтләр кебек үк сакларга кирәк. Бүген 12 август көнне Олы Нырты авыл китапханәсе мөдире « Ак калфак» клубы әгъзалары белән «Татар киемнәре тарихы» дигән әңгәмә үткәрде. Китапханәче татар милли киеменең тарихы, элементлары, билгеләнеше турында сөйләде. Чарада катнашучылар милли киемнәрне киеп, аларның һәрберсенең матурлыгына сокланып карадылар, бигрәк тә калфак белән алъяпкыч ошады. Чарада катнашучылар милли костюмнарны киеп карады һәм һәркайсының матурлыгына сокланды, бигрәк тә калфак һәм алъяпкыч ошады.

Китапханәнең төп бурычы газета — журнал материалларын укучыга җиткерү, кирәкле, файдалы  мәгълүматларын тормышта файдалану. Вакытлы матбугатның күп булуы китапханәгә укучыларны көннән–көн күбрәк җәлеп итә. 12 август көнне Иләбәр авыл китапханәсендә  “Яңа газета –журналлар сезне көтә” дигән исем астында мәгълүмат сәгате узды.Китап укучылар август аенда килгән газета-журналлар белән таныштылар, биремнәрен чиштеләр,кроссворд, табышмакларга җаваплар эзләделәр.

12 августта китапханәче «Китап офыкларын ачабыз» дигән китап десанты үткәрде. Чара башында китапханәче балаларга «десант» ның нәрсә икәнен сөйләде, ни өчен кулыбызда корал түгел, ә китап булуын аңлатты. Аннары төрле жанрдагы яңа китапларга күзәтү ясалды, алар балалар игътибарына тәкъдим ителде. Яшь укучылар кыска ритмик шигырьләр, мәкальләр, әйтемнәр, мәзәкләр укыдылар, шулай ук балаларга уеннар өчен кирәк булачак санауларны ятладылар.

Вакытлы матбугат кеше тормышында бәяләп бетергесез роль уйный. Периодик матбугат элеккечә бик популяр булып кала бирә, чөнки бу мәгълүмат алуның бик мобиль һәм дөресрәк ысулы, ул күп кенә заманча проблемаларны чагылдыра. 12 август көнне Ике басу Арташ авыл китапханәсенең мөдире "Яшьләр матбугаты битләре буйлап"исемле бер сәгать вакытлы матбугат үткәрде. "Идел", «Казан» кебек журналлар яшь буын өчен аеруча актуаль.

12 август көнне Курсабаш авыл китапханәсендә балалар өчен «Зарарлы һәм куркыныч гадәтләр»дигән чара үткәрелде. Презентация вакытында китапханәче балалар белән сәламәтлекнең нәрсә булуы, ни өчен сәламәт булырга кирәклеге, ни өчен үзеңне карау кагыйдәләрен үтәү, зарарлы һәм куркыныч гадәтләрнең нәрсә булуы турында сөйләште. Тәмәке тарту, алкоголизм һәм наркомания проблемаларына аерым игътибар бирелде, чөнки актив чаралар күрелүгә карамастан, бу проблема яшь буын арасында киң таралган. Чара азагында балалар, һичшиксез, үз сәламәтлегеңне сакларга, актив тормыш рәвеше алып барырга, шәхси гигиена кагыйдәләрен үтәргә кирәк, дигән нәтиҗә ясадылар, чөнки кеше — үз сәламәтлеген булдыручы!

Юлбат авыл китапханәсе гаилә елны уңаеннан, әдәби ишегалды "Шигырь укый йөрәгем дә..." дип исемләнгән чара үткәрде.
  " Шигырь шигырь инде ул,йөрәкләрдән өзелеп төшеп,җанда дөрли инде ул"- дип язган күпме шагыйрьләребез..Чыннан да гаиләдә булган мәхәббәт, гаилә тормышының яшәеше шигырь юлларында бик матур тасвирлана.Шушы матурлыкны бүгенге чарада катнашкан өлкән буын апаларыбыз( Р.Хөсәинованың " Табылдык" пьессасында уйнаган) тормыш яшәешенә булган соклануларын,яшьлек хәтирәләрен,үткәндәге матур мизгелләрен шигырь юллары аша,үзләрендә булган сагыну катыш хәтирәләрен яңарттылар.Бу матур җәйге очрашу күңелләрдә озак сакланыр.

Сатыш авылы мәдрәсә музеенда мәдрәсәнең соңгы мөдәррисе, мәчетнең имам-хатыйбы Габрахман хәзрәтнең оныклары һәрчак көтеп алынган кунак.  Хәзрәтнең оныгы Илдус абый балаларын, оныкларын авыл, мәдрәсә тарихы белән таныштыру максатыннан алып килгән иде. Аларда мәдрәсә макеты, элеккеге тарихи китаплар зур кызыксыну уятты. Илдус абый музейга  Габдрахман хәзрәтнең нәсел шәҗәрәсен, Кәмәрия абыстайның сакланып калган әйберләрен, фотографияләрен бүләк итеп тапшырды, хәтерләрендә сакланган истәлекләре белән бүлеште.

Саба урман хуҗалыгы тарихы музее Кукмарадан кунаклар кабул итте. Алар өчен музей буйлап экскурсия оештырылды, кунаклар «Саба урманчылыгының хайваннар дөньясы» бүлеге экспонатларына аерым игътибар бирделәр.

Саба туган якны өйрәнү музеенда бинаны капиталь ремонтлау эшләре дәвам итә.  Янгынга каршы системаны, яктырту приборларын көйләү, шулай ук экспозицион модульләрне җыю эше алып барыла.