ЯҢАЛЫКЛАР

7 сентябрь көнне Шәмәрдән мәдәният йорты каршында эшләп килүче «Тулган ай» фольклор коллективы «Балкыш» социаль-тернәкләндерү үзәгендә ял итүчеләр өчен «Ә җырларым һаман яшь килеш» дигән хәйрия концерты үткәрде. Концерт программасы якты һәм бай булды. Программа гармун астында халык җырлары, матур шигырьләр, скетч белән алып барылды. Җырлар төрле телләрдә яңгырады. Ахырда ял итүчеләр әлеге чараны оештыручыларга рәхмәт белдерделәр.      

6 нчы сентябрь көнне Саба урта мәктәбенең 4 “Б” сыйныф укучылары өчен район балалар китапханәсе хезмәткәрләре “Китапның мәңгелек юлдашы” дигән мастер-класс үткәрделәр. Китап кыстыргыч кечкенә булса да, китап укыганда бик файдалы әйбер. Аның ярдәмендә китапларны уку һәм аларда кирәкле бит табу уңайлырак. Чара барышында укучылар укуның файдасы һәм китап кыстыргычының тарихы турында тыңладылар, ә аннары төсле эшләнмәләрдән яраткан китаплар өчен китап кыстыргычлар ясадылар.

2023 нче елның 2 нче сентябрендә Т. Нәҗмиев исемендәге Шәмәрдән авыл китапханәсе һәм балалар китапханәсе хезмәткәрләре «Йөгерүче китап – 2023» дип исемләнгән көзге Бөтенроссия интеллектуаль йөгерешендә катнаштылар. Әлеге социаль-мәдәни акция китапханәләрне инновацион, креатив тирәлек, танып-белү өчен ял итү урыннары һәм мәдәни тормыш үзәкләренең берсе буларак популярлаштыруга юнәлдерелгән. Акциянең үзенчәлекле форматы китапханәләргә яңа уку аудиториясен җәлеп итәргә ярдәм итә һәм үз эченә интерактив һәм спорт элементларын ала. Идеянең авторлары- А. П. Гайдар исемендәге шәһәрнең үзәк балалар китапханәсе «Лесной шәһәре» шәһәр округы  һәм Новоуральск шәһәр округының халык китапханәсе. Шәмәрдән китапханәсе хезмәткәрләре алдан эшләнгән маршрут буенча старт алды, алар Шәмәрдән урамнары буйлап үтте. Үтеп баручыларга милли мәдәниятләр һәм традицияләр елына кагылышлы сораулар бирелде, дөрес җавап бирүчеләргә бүләкләр өләшенде.

Балаларда татар милләтенең йолалары, традицияләренә карата кызыксыну уяту һәм бер-берсенең исеменә хөрмәт тәрбияләү максатыннан, 31 август көнне Шәмәрдән модель һәм балалар китапханәләре “Сәйлән” клуб берләшмәсенә йөрүче балалар өчен “Исем кушу йоласы” исемле  танып-белү сәгате үткәрде. Нинди исемнәр бар? Исемнәрнең әһәмияте, мәгънәсе нидә? Шул сорауларга бергәләп җавап эзләдек. Чакырылган кунак - Сафин Рафил белән берлектә исем кушу йоласы театральләштерелгән формада күрсәтелде. Балалар төрле милли уеннар уйнадылар, тематик китаплар ярдәмендә үз исемнәренең мәгънәсе белән таныштылар. Шулай ук балаларга мультфильм күрсәтелде һәм балалар журналларына күзәтү ясалды. Чара эчтәлекле һәм күңелле үтте.

30 август көнне Саба район китапханәсе Татарстан Республикасы көненә багышланган бәйрәмдә катнашты. Китапханәчеләр балалар өчен мәйданчык оештырдылар, анда үз кулларың белән китаплар өчен кыстыргыч ясарга, Татарстан флагын буярга мөмкин иде. Чарада "Татарстан-Без бергә!" дип исемләнгән китап күргәзмәсе  куелды, шулай ук китапханә хезмәткәрләре бәйрәмдә халыкка тасмалар тараттылар.

30 августта "Ямьле Саба" яр буенда Татарстан Республикасы көненә һәм Милли мәдәниятләр һәм традицияләр елына багышланган «Милли моңнар ватаны син, Сабам» бәйрәм чарасы узды.

ТР Милли мәдәниятләр һәм традицияләр елы кысаларында, 26 августта Олы Нырты авыл китапханәсендә «Татар костюмы тарихы» дигән мәгълүмат сәгате үткәрелде. Милли костюм - һәр халыкның үзенчәлеге, ул үзендә ниндидер серләр һәм традицияләр саклый. Татар халкы үз тарихын һәрвакыт хөрмәт иткән һәм үз милли гореф-гадәтләренә һәм традицияләренә тетрәнү белән караган. Чара барышында балалар татар милли костюмы тарихы белән таныштылар, аның нигезендә төрки киемнең борынгы формалары ята икәнен белделәр. Шулай ук балалар кием төсе, бизәнү әйберләре һәм татар костюмының башка детальләре нинди әһәмияткә ия икәнен белделәр. Балалар татар милли киемнәрен билгеләүче сүзләрнең мәгънәсен аңлаттылар: чабата, калфак, түбәтәй. Аннары китап күргәзмәсе белән таныштылар, анда төрле чор һәм катлам татар костюмнары турында сөйләүче басмалар тәкъдим ителде.

Август аенда Россия язучысы, әдәби тәнкыйтьче, фронт газеталары хәбәрчесе, Дәүләт премияләре һәм бүләкләре лауреаты, сугыш һәм сугыштан соңгы чор турында китаплар авторы Александр Борисович Чаковскийның тууына 110 ел тула. 26 августта Шәмәрдән модель китапханәсендә «Свет далекой звезды» дигән авторның күргәзмәсе оештырылды, анда авторның тормышы һәм иҗаты турында сөйләүче китаплар тәкъдим ителде. Күргәзмәнең төп өлеше булып Александр Чаковский иҗатының иң югары ноктасы булган «Блокада» роман-эпопеясы тора. Роман якты, темпераментлы, талантлы итеп язылган, ул укучылар арасында танылу ала.

24 нче август көнне "Ямьле Саба" яр буенда Саба район китапханәсе оештырган  "Җәйге китапханә 2023" проекты катнашучыларын тәбрикләү тантанасы узды.
Чарада Саба районы мәдәният бүлеге җитәкчесе Заһидуллин Рөстәм Фидаиль улы, Татарстанның атказанган мәдәният хезмәткәре, Татарстан журналистлары берлеге әгъзасы  Гөлсинә Галимуллина, 
Татарстан Республикасы Язучылар берлеге әгъзасы Илмира Гыймаева катнашты. Казан шәһәреннән килгән кунакларыбыз, татар телендә  чыга торган "Сабантуй", "Салават күпере" журналлары һәм "Салаваtik" лар төркеме булды. 
Чарада "Иҗади остаханә", "Китап кыстыргыч ясау " мастер-класслары оештырылды. 
Җәй буе "Вконтакте" челтәрендә бирелгән биремнәрне үтәп, дәфтәрләренә язып барган китап укучыларына рәхмәт хаты һәм матур истәлекле  китаплар тапшырылды.
Шулай ук чарада «Укучының мәдәни көндәлеге» республика проектында катнашкан, Саба районы җиңүчеләре бүләкләнде. 
Чара "Салаваtik"лар төркеме концерты белән дәвам итте.

22 августта Россия Федерациясендә флаг көне билгеләп үтелә. Бу илнең дәүләт символы – милли флагка багышланган бәйрәм. Бу көн Россия гражданнары өчен үз Ватанына карата хөрмәт һәм горурлык белдерү өчен үзенчәлекле мөмкинлек булып тора. 22 августта Сабаның 5 нче «Бәләкәч» балалар бакчасында Саба район китапханәсе, балалар китапханәсе белән берлектә, патриотик сәгать уздырды. Китапханәче балаларга Россия символикасы, Россия флагы барлыкка килү тарихы, Триколор төсләренең нәрсә аңлатуы, нинди очракларда Россия Федерациясе флагы күтәрелүе турында сөйләде. Алар флаг сүзенең нәрсә аңлатканын, флагларны кайда күрергә мөмкинлеге белән таныштылар. Россия Федерациясе гимнын тыңладылар. Чарада «Россия великая держава» китап күргәзмәсе оештырылды. Чара мастер-класс белән дәвам итте, балалар үз куллары белән Россия флагларын ясадылар. Чара ахырында китапханәче балаларны вакытлы матбугат белән таныштырды. Балалар «Том Джерри», «Сабантуй», «Салават купере» журналлары белән таныштылар.