ЯҢАЛЫКЛАР

20 ноябрь көнне Саба районы китап сөючеләре Казан шәһәрендә узган бик матур чарада катнаштылар. XIII Дөньякүләм әдәби марафон җиңүчеләрен
котлау тантанасы бик күп әдипләр, җырчылар, җәмәгать эшлеклеләре катнашында узды. Саба районы бу юлы да "Иң күп китап укучы район" булып танылды. Римма Ратникова сабалыларга, Саба районы Башкарма комитеты Җитәкчесе урынбасары, аппарат җитәкчесе Кәримов Марат Рәшит улына рәхмәт сүзләрен җиткерде һәм кубок тапшырды. Китапханә директоры Ләйсән Билалова һәм якташ язучыбыз Гөлсинә Галимуллина "Иң яхшы әйдаман" исеменә лаек булдылар.

Татарстан Республикасы Мәдәният министрлыгы «Укучының мәдәни көндәлеге» Республика мәдәни-белем бирү проектына йомгак ясады. Катнашучылар уку елы дәвамында мәдәният учреждениеләренә, музейларга, китапханәләргә, театрларга, кинотеатрларга актив йөрергә тиешләр иде.

2019-2020 ел нәтиҗәләре буенча җиңүчеләр:

1 сыйныфлар арасында-Килдебәк урта мәктәбе укучысы Габсаттарова Зәмирә Рәсим кызы.

2 сыйныфлар арасында-Шәмәрдән лицее укучысы Нечипоренко Эльвира Илмир кызы.

3 сыйныфлар арасында-Алимова Ләйсән Нәгыйм кызы Шәмәрдән лицее укучысы.

4 сыйныфлар арасында-Галимҗанова Алия Нияз кызы "Сәләтле балалар өчен аерым фәннәрне тирәнтен өйрәнүле урта гомуми белем бирү интернат-мәктәбе" укучысы.

Җиңүчеләргә Дипломнар һәм истәлекле бүләкләр тапшырылды.

4 һәм 7 сентябрь көннәрендә "Ямьле Саба" яр буенда үзәкләштерелгән  китапханәләр системасы китапханәчеләре  танылган җырчы  Салават Фәтхетдинов һәм Татарстан Республикасы  Дәүләт советы рәисе Фәрит Мөхәммәтшинны каршы алу тантанасында катнаштылар. Китапханә каршында эшләп килүче "Өлкәннәр", "Сөембикә", "Алтын куллар', "Мишә дулкыннары', "Ак калфак", "Гаилә белән китапханәгә", "Любазнайка" "Яшьләр" клуб берләшмәләре үз эшчәнлекләре белән таныштырдылар

«Ямьле Саба» яр буенда,  Татарстан  Республикасы көне уңаеннан, Район үзәк китапханәсе “Ямьле  җәй – китаплы җәй” дип исемләнгән “Җәйге китапханә – 2020” дә катнашучыларны тәбрикләү тантанасын уздырды. “Җәйге китапханә – 2020” дә катнашучыларны Саба муниципаль районы башкарма комитетының мәдәният бүлеге начальнигы Рөстәм Фидәил улы Заһидуллин, районыбызда яшәп иҗат итүче якташыбыз Гөлсинә Наил кызы Галимуллина, Татарстан Республикасы экология һәм табигать ресурслары министры баш белгече Ришат Мидехәт улы Билалов, Саба ҮКСы директоры Ләйсән Рәкыйп кызы Билалова тәбрикләделәр. “Туган ягым – Татарстан” һәм “Көзге чәчәк бәйләме” – мастер классларда, “Татарстан дигән ватаным бар, Татар дигән халкым бар” уен-викторинада  балалар бик актив катнаштылар.

21 август көнне Шәмәрдән балалар китапханәсе, Т. Нәҗмиев исемендәге Шәмәрдән авыл китапханәсе һәм Шәмәрдән мәдәният йорты белән берлектә, «Мы правнуки твои, Победа!» акциясе кысаларында, «Великие битвы Великой Отечественной»дип исемләнгән кычкырып уку сәгате оештырдылар. Акция авыл халкын Бөек Ватан сугышының Бөек көрәшләре: Мәскәү,Сталинград, Курск сугышы, Берлин өчен көрәш белән таныштыру; 1941-1945 еллардагы Бөек Ватан сугышында үз халкының ныклыгы һәм каһарманлыгы өчен кешеләрдә горурлык хисләре уяту максатыннан уздырылды. Чара барышында катнашучыларга С.Алексеевның «Мәскәүдән Берлинга кадәр», «Минем Сталинград», Н.Внуковның «Сталинград окопларында», К. Воробьевның «Мәскәү астында үтерелгән» әсәрләреннән өзекләр укырга тәкъдим ителде.