ЯҢАЛЫКЛАР
Сулыклар,елгалар,күлләр,чишмәләр – безнең рухыбыз, Болгар бабаларыбыздан шушы көннәргә кадәр килеп җиткән бай мирас. Су –кеше яшәгән мохитның бер өлеше. Авыл яныннан елга агу- зур әһәмияткә ия. Авыл хуҗалыгында игеннәрнең мул уңыш бирүе дә, урманнарда агачларның, болыннарда үләннәрнең яхшы үсүе дә шушы елгага бәйле.
Ә. Кәримуллин исемендәге Район китапханәсе хезмәткәрләре «Саба районы байлыгы» дип исемләнгән дәрес - танышу үткәрде. Танышу максаты-туган як тарихына мәхәббәт, кызыксыну ,патриотизм тәрбияләү. Шулай ук «Туган ягыбызга мәхәббәт белән» дигән китап күргәзмәсенә күзәтү үткәрелде, анда безнең район язучылары һәм шагыйрьләренең китаплары урын алды.
17 нче июнь конне Саба район китапханәсе балалар китапханәсе белән берлектә «Шигърият дөньясының серләре” дип исемләнгән әдәби сәгать уздырды .Китапханәчеләр якташыбыз Ильмира Гыймаеваның һәм танылган балалар язучысы Рафис Корбанның тормышы, иҗаты белән таныштырдылар, күргәзмәдә тәкъдим ителгән китаплардан шигырьләр укыдылар.
1 июнь көнне «Укучының мәдәни көндәлеге» проекты җиңүчеләре Казан шәһәренең «Әкият» курчак театрында бүләкләү тантанасында катнаштылар. Театр фойесында кунакларны клоуннар каршы алды. Җиңүчеләр өчен «Дөрес фикерләү» спектакле күрсәтелде.
1 июнь Халыкара балаларны яклау көне уңаеннан районыбызның мәдәният хезмәткәрләре үзәк мәйданда “ Балачак” бәйрәме уздырды. Саба балалар сәнгать мәктәбенең тынлы уен кораллары оркестры “Әкияттә кунакта” парадын башлап җибәрде. Парад барышында катнашучылар үзләренең велосипедларын, самокатларын, коляскаларын бизәп, әкият геройлары киемнәрен киеп, майдан уртасыннан уздылар. Әти-әниләр дә парадта балалары белән бергә катнашып, бәйрәмгә ямь өстәделәр. Районыбызның “Торнадо” командасы да читтә калмады. Алар үзләренең картинг машиналарында осталыкларын күрсәттеләр. Райондашларыбызны бәйрәм белән Саба муниципаль районы башлыгы Минниханов Рәис Нургали улы котлады. Парадта катнашучылар барысы да бүләкләргә ия булдылар. Чара Аллаһияр һәм Хөснулла Валиуллиннар исемендәге сәнгать мәктәбенең җыр, биюләре белән үрелеп барды. Балалар өчен китапханәчеләр төрле аланчыкларда мастер-класслар, уеннар оештырдылар.
28 май көнне "Мишә дулкыннары" клубы язучылары, район китапханәчесе белән бергә, Эзмә авылында урнашкан "Иҗат" чишмәсенә сәяхәт кылдылар. Чишмә янында шагыйрәләр үзләренең яңа шигырьләрен укыдылар.
29 май - академик, Татарстан Республикасының атказанган фән эшлеклесе, Г.Тукай исемендәге Дәүләт премиясе лауреаты, филология фәннәре докторы, күренекле китап белгече, библиограф Әбрар Гыйбадулла улы Кәримуллинның туган көне.
25 май көнне Саба район балалар китапханәсе Туган якны өйрәнү музее белән берлектә, 1А сыйныф укучыларына (укытучы Заһидуллина Э.Р.) “Посади лес” – “Урман утыртыйк” экологик проект кысаларында “Гафэль” гаилә компаниясенә экологик экскурсия уздырдылар.
18 май көнне Саба район китапханәсендә, Халыкара музейлар көне уңаеннан, “Музейлар иле – хәзинәле дөнья” дип исемләнгән китап күргәзмәсе төзелде. Күргәзмәдә дөньядагы һәм илебездәге төрле шәһәрләр, андагы матур архитектуралы урыннар, бай хәзинәле музейлар турындагы китаплар тупланды. Көн дәвамында күргәзмә янында әңгәмә үткәрелде.