ЯҢАЛЫКЛАР
Узган җомгада Финанс-бюджет палатасы хезмәткәрләре Физкультурачылар көненә багышланган ярышларда актив катнашты. Ярышларның күпләр өчен уңышлар белән тәмамлануы да сөендерә. Айзилә Халикова армспорт буенча ярышта 2 нче, 800 метрга йөгерүдә Эльмира Вәлиева беренче урынга лаек булды. "Шәһәрчекләр" ярышында Гөлдания Шаһиева - 2 урын, шулай ук Илгизәр Гатауллин пневматик винтовкадан атуда 2 урын алды. Пляж волейболында да безнең кызлар яхшы нәтиҗә күрсәттеләр. Алинә Давытова һәм Илүзә Баһманова уйнаган команда 3 нче урынны алды.
Агымдагы елның яртысы инде артта калды. Димәк, ярты еллык хисаплар да тапшырылды дигән сүз. Июль ае дәвамында үзәкләштерелгән бухгалтериянең хисап бүлегендә, шулай ук финанс булмаган активларны исәпкә алу, бюджеттан тыш эшчәнлек буенча исәп-хисаплар бүлегендә бухгалтерлар тарафыннан квартал һәм ярты еллык отчетларны вакытында тапшыру буенча кызу эш алып барылды.
Агымдагы елның 1 июленнән бюджет оешмаларында эшләүчеләрнең хезмәт хаклары арту сәбәпле, Үзәкләштерелгән бухгалтерияның хезмәт хакларын түләү бүлегендә эш кайнады. 76 оешманың хезмәткәрләре аванс һәм хезмәт хакларын вакытында алсыннар өчен бухгалтерлар эшне тиз арада башкардылар.
Еллык хисап һәм милек мәгълүматларының дөреслеген тикшерү максатыннан бюджет оешмаларында инвентаризация уздырыла. Тикшерү барышында милекнең сакланышы, исәп мәгълүматлары белән мөлкәтнең фактка туры килүе дә барлана. Әлеге процедураның мөһимлеге турында Үзәкләштерелгән бухгалтерия бухгалтерлары да, оешма җитәкчеләре дә яхшы аңлый. Бу көннәрлә инвентаризация Сабаның 3нче номерлы “Шоколад” балалар бакчасында уздырылды.
Бүген, 30 июльда Саба муниципаль районы Советы утырышы (сессиясе) узды. Утырыш эшендә Саба муниципаль районы Башлыгы Р.Н.Миннеханов, район Советы депутатлары, муниципаль район Советы, Саба муниципаль районы Башкарма комитеты әгъзалары катнашты. Көн тәртибендәге икенче мәсьәлә буенча Финанс-бюджет палатасы рәисе Ш.А. Сөнгатовның Саба муниципаль районының 2024 ел һәм 2025-2026 елларның район бюджеты турындагы карарына үзгәрешләр кертү турындагы чыгышы тыңланды.
Июль ае дәвамында ир – егетләр һәм хатын – кызлар командалары арасында барган пляж волейболы уеннарында Финанс – бюджет палатасы хезмәткәрләре дә актив катнашты. Уеннарда оешмадан ике ир – егетләр һәм алты хатын – кызлар командалары катнашты.
Җәйнең матурлыгы төрле төстәге хуш исле чәчәкләрдә. Иртә яздан башлап көзгә кадәр һәр учреждение территориясе чәчәкләргә күмелеп утыра. Финанс-бюджет палатасы территориясе дә, әлбәттә, күз явын алырлык төрле төстәге петуния, бархатцы, сальвия, лилия чәчәкләре белән тирә-якны ямьләп тора.
Свияжскида узган спорт фестиваленда безнең район командасы да уңышлы катнашты. Йөзү командасы составында безнең хезмәттәшебез - Финанс-бюджет палатасы белгече Эльмира Валеева да бар иде.
Егетләр командалары арасында пляж волейболы ярышлары дәвам итә. Финанс – бюджет палатасы егетләре исә әлеге уеннарда ике командада көч сынашалар. Волейбол уеннары шикелле үк, пляж волейболы да күмәк уен һәм нәтиҗәлелеккә дә һәр уенчының тырышлыгы, осталыгы аша ирешергә мөмкин.
Финанс-бюджет палатасы кызлары районда узган "Автоледи - 2024" бәйгесендә катнашып, көчләрен сынап карадылар. Нәтиҗәдә, Эльмира Валеева белән Рузалия Дәүләтшина беренче бишлеккә эләктеләр.