Муниципаль районнар Саба муниципаль районы

Сүлә торак пунктында балалар мәйданчыгын төзү

2026 елның 16 сентябре, чәршәмбе

Сүлә торак пунктында үзара салым һәм иганәчеләр акчасына балалар мәйданчыгы төзү дәвам итә. Барлык халыкка ярдәм иткәннәре өчен зур рәхмәт. Шулай ук финанс һәм техник ярдәм күрсәткән ИП Вәлиева һәм «Курсабаш» ҖЧҖ җитәкчеләренә рәхмәт сүзләре белдерәбез. Әгәр авылда балалар мәйданчыгына ихтыяҗ бар икән, димәк, торак пункт яши, анда балалар туа. Балалар — безнең киләчәгебез. Балалар мәйданчыгы балаларга буш вакытларын саф һавада үткәрергә һәм сәламәт, нык, бәхетле булып үсәргә мөмкинлек бирә.

Тэги: Курсабаш авыл жирлеге

Курсабаш авыл җирлеге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

сентябрь, 2026 ел

Чикләрсез ГТО: сәламәтлек мөмкинлекләре чикләнгән балалардан ГТО нормативларын кабул итү

2026 елның 24 сентябрендә Саба интернат-мәктәбендә ВФСК «Хезмәткә һәм оборонага әзер!» (ГТО) нормативларын кабул итү оештырылды. Комплекста катнашучылар үз көчләрен урыннан озынлыкка сикерүдә, алга авышу һәм отжиманиедә сынап карадылар. Инвалид балалар өчен ГТО – ул спортны һәркем өчен уңайлы итү адымы. Төп җиңү - аерымлык билгесе түгел, ә үзеңне җиңү һәм хәрәкәт шатлыгы.

Сатыш авылы янында агачлар утырту

Сатыш авылы янында агачлар утыртылды. Утырту өчен Татарстанның климат шартларына җайлаштырылган сыйфатлы утырту материалы кулланылган. Киләсе ел дәвамында үсентеләрне даими карап тору планлаштырыла. Озакламый нечкә кәүсәләр кырларыбыз тирәли чын яшел калканга әвереләчәк. Бу агачлар безнең йортларны көчле җилләрдән саклаячак, эссе көннәрдә күләгә бирәчәк һәм кошлар өчен йорт булып хезмәт итәчәк.

Хатын-кызлар командасы "Сатыш авыл җирлеге" волейбол командасы

"Сатыш авыл җирлеге" хатын-кызлар командасы 2026 елгы сезонда Саба муниципаль районының авыл җирлекләре хатын-кызлар командалары арасында волейбол буенча чемпионатында 3 урынны яулады.

сентябрь, 2026 ел

Волейбол Чемпионатында икенче урын

Финанс-бюджет палатасында хезмәт куючылар районда узып килүче спорт чараларында актив катнашып киләләр. Хатын-кызлар арасында барган волейбол Чемпионатында безнең оешмадан ике команда катнашты. Нәтиҗәдә, ФБП-1 командасы матур уен күрсәтеп, 2нче урын яулады. Рузилә Рахимуллина команданың иң яхшы уенчысы исеменә лаек булды.

ЯҢАЛЫКЛАРГА ЯЗЫЛУ