Муниципаль районнар Саба муниципаль районы

Грантлар бирү буенча конкурсларга гаризалар кабул итү

2026 елның 4 сентябре, җомга

Татарстан Республикасы Экология һәм табигый байлыклар министрлыгы Президент грантлары Фонды оештырган грантлар бирү конкурсларына заявкалар кабул итү турында хәбәр итә.

Татарстан Республикасы территориясендә проектларны гамәлгә ашыруга финанслар җәлеп итү максатларында гражданнарны, коммерциягә карамаган оешмаларны һәм муниципаль берәмлекнең инициатив төркемнәрен әйләнә-тирә мохитне саклау һәм халыкның экологик культурасын формалаштыру тематикасы буенча грант конкурсларында катнашырга чакырабыз.

Конкурсларда катнашу шартлары белән оештыручының рәсми сайтларында (президентскиегранты.рф, президентскийфондприроды.рф) яки кушымтада бирелгән мәгълүмати белешмәдә танышырга мөмкин.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

сентябрь, 2026 ел

Волейбол Чемпионатында икенче урын

Финанс-бюджет палатасында хезмәт куючылар районда узып килүче спорт чараларында актив катнашып киләләр. Хатын-кызлар арасында барган волейбол Чемпионатында безнең оешмадан ике команда катнашты. Нәтиҗәдә, ФБП-1 командасы матур уен күрсәтеп, 2нче урын яулады. Рузилә Рахимуллина команданың иң яхшы уенчысы исеменә лаек булды.

«Язмышында яшәү дәрте» дигән әдәби сәгать

Явлаштау авыл мәдәният йорты хезмәткәрләре авыл китапханәсе белән берлектә танылган татар шагыйрәсе Флёра Гыйззәтуллинаның тууына 95 ел тулуга багышланган «Язмышында яшәү дәрте» дигән әдәби сәгать үткәрделәр. Очрашу барышында кунаклар шагыйрәнең авыр тормыш юлы һәм иҗаты белән таныштылар. Чарада катнашучылар авторның яраткан шигырьләрен укыдылар һәм аның иҗаты турындагы тәэсирләре белән уртаклаштылар. Шулай ук алар аның сүзләренә язылган җырларны гармунга кушылып башкардылар. Ахырда китапханәче катнашучыларны яңа газеталар һәм журналлар белән таныштырды.

Бөек татар шагыйре Габдулла Тукай иҗатына багышланган чара

Явлаштау авыл китапханәсенең китап бирү пунктында бөек татар шагыйре Габдулла Тукай иҗатына багышланган чара узды. Очрашуны китапханә хезмәткәрләре Мишәбаш авыл мәдәният йорты хезмәткәрләре белән берлектә оештырды. Кычкырып уку өчен «Мәктәптә» шигыре сайланды. Белемгә һәм туган телгә мәхәббәт белән сугарылган бу әсәрне катнашучылар бик яратып укыдылар. Укучылар шигырь юлларын оста итеп сөйләделәр, әсәрнең мәгънәсе турында фикер алыштылар һәм үзләренең мәктәп еллары белән бәйле хатирәләре белән уртаклаштылар. Чара җылы һәм дустанә атмосферада узды, төрле буын шигърият сөючеләрен берләштерде.

Мишәбаш авылында үзара салым хисабына юл ремонты

Мишәбаш авылында үзара салым хисабына зират юлы төзекләндерелде. Ремонтланган юл озынлыгы 165 метр тәшкил итте. Эшне ООО "Рамазан" оешмасы башкарды. Әлеге оешма хезмәткәрләренә сыйфатлы хезмәтләре өчен рәхмәт белдерәбез.

ЯҢАЛЫКЛАРГА ЯЗЫЛУ