БиЮ проекты

2026 елның 23 июне, сишәмбе

19 июнь көнне Шәмәрдән авылында «Беренчеләр хәрәкәте» һәм «Яшьлек» яшьләр үзәге белән берлектә оештырылган «БиЮ» проектының беренче чарасы киң колач белән үтте.

Катнашучыларны бик күп кызыклы мәйданчыклар көтә иде: беләзек үрү һәм смартфоннар өчен стикерлар ясау буенча мастер‑класслар, аквагрим, күңелле уеннар һәм татар телендә аралашу станциясе.

Кичә сабын куыклары һәм безнең яшь диджейларның иң яхшы музыкаль треклары белән тәмамланды.