“Сабантуйга бирнә җыю -2026” бәйгесе

Район Сабантуенда Финанс-бюджет палатасы бәйрәмнең традицион уенын - «Катыктан акча эзләү» уенын үткәрде. Быел да әлеге уен популярлыгын югалтмыйча, уенда 103 кеше катнашты. Габдулла Тукайның 140 еллыгы уңаеннан уенга Шүрәле дә килеп, катыктан акча табып китте. Ә тәңкәне финансистлар таяк белән дә, баш белән чумдырып та эзләттеләр. Уенның һәр ике төре дә янәшә, бер үк вакытта барды. Таяк белән эзләү өлеше, хатын-кызлар һәм ир-егетләр категориясенә бүленмичә бәяләнеп, 1,2,3 урын алучылар бүләк Сертификатларына ия булдылар. Борынгыдан сакланып калган гадәт – акчаны катыктан баш белән чумып эзләү өлешендә җиңүчеләр ике категориягә – ир-егетләр һәм хатын-кызлар категориясенә бүленеп, тәбрикләнде. Һәр ике төрдә дә 4 нче урын ияләренә яңа гына табадан төшкән Габдулла Тукай китаплары бүләк ителде. Катнашучыларның берсе дә бүләксез китмәде, барысын да уенда катнашкан өчен кызыксындыру бүләкләре көтә иде.

Саба муниципаль районы башлыгы Рәис Нургали улы Миңнехановны туган көне белән котлыйбыз!    Хөрмәтле Рәис Нургали улы, эшләрегездә уңышлар юлдаш булсын, ә кабул ителгән карарлар районыбызга тотрыклылык, чәчәк ату һәм үсеш китерсен. Сезгә нык сәламәтлек, бетмәс-төкәнмәс энергия һәм җан тынычлыгы телибез. Хөрмәт белән Саба-Арена спорт мәктәбе коллективы.

7 июнь көнне Тольяттида 15 яшькә кадәрге балалар арасында фехтование буенча Россия беренчелеге узды. Турнирның ике йөз катнашучысы арасында "Саба-Арена" Фазлиева Амалия 16 иң көчлеләр арасында көрәштә катнашу хокукын яулады. Сигезлегә чыгу өчен көрәштә Амалия 9:12 исәбе белән җиңелде Шуңа да карамастан, Фазлыева Амалия үзенең 2012 елгы яшь категориясендә икенче урынга лаек булды. Саба-Арена спорт мәктәбенең фехтование бүлегенең һичшиксез уңышы. Киләчәктә дә җиңүләр телибез!