Муниципаль районнар Саба муниципаль районы

Мичән авыл җирлегендә физик затлар техникасына техник карау

2026 елның 20 мае, чәршәмбе

Агымдагы елның 19 маенда Мичән авыл җирлегендә физик затлар техникасына техник карау уздырылды.

Тикшерүгә 17 берәмлек техника тәкъдим ителде. Тикшерү барышында яктырту приборларына, тормоз системасын контрольдә тоту чараларына, руль идарәсенә, техниканың техник торышына, тиешле категорияле таныклыклар һәм ОСАГО полислары булуына аерым игътибар бирелде. Шул ук вакытта катнашучылар белән техниканы куркынычсыз эксплуатацияләү буенча әңгәмәләр үткәрелде, чарада авыл җирлеге башлыгы А.А. Гәрәев катнашты.

Техника хуҗалары әлеге чарага техникаларны намус белән әзерләргә тырышканнар. Техник тикшерү нәтиҗәләре буенча барысына да техник карау үтү турында таныклыклар биреләчәк.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

"Игенче" ҖЧҖендә азык әзерләү техникасының әзерлеген кабул итү буенча конкурс узды

19 нчы майда җаваплылыгы чикләнгән “Игенче” җәмгыятендә, хуҗалыкның азык хәзерләү техникаларының төзеклелеге hәм азык саклау урыннарының хәзерлеге буенча конкурс узды. Комиссия үзйөрешле чапкычларның һәм азык җыю комбайннарының әзерлеген һәм механизаторларның тиешле таныклыклары булуын тикшерде.

Күперне ремонтлау

Югары Шытсыда төбәк юлында күпер ремонтлана. Эшне "Ремстрой+"ҖЧҖ башкара. Күперләр-автотранспортның имин һәм өзлексез хәрәкәтен тәэмин итә торган транспорт инфраструктурасының мөһим элементлары. Әмма вакыт узу белән алар табигый тузуга, әйләнә-тирә мохитнең тискәре йогынтысына, механик зарарлануларга һәм коррозиягә дучар була. Күперләрне ремонтлау һәм реконструкцияләү аларның хезмәт итү вакытын озайту, куркынычсызлыкны арттыру һәм эксплуатация характеристикаларын саклап калу өчен кирәк.

Мишә авыл җирлеге урамнары арасында эстафета ярышы.

Һәр ял саен Мишә авыл җирлегендә урамнар арасында спортның төрле төрләре буенча ярышлар уза. Спартакиада бу елның ахырына кадәр дәвам итәчәк. Ярышларда берничә урамнан торган 7 команда катнаша. Бүгенге көндә чаңгы ярышлары, киез итекле волейбол, дартс, шашка, шахмат, ату, кул корәше, мини футбол, волейбол, өстәл теннисы, баскетбол ярышлары булды. Командалар актив катнаша. Бистә администрациясе һәр уеннан соң җиңүчеләрне грамота һәм акчалата приз белән бүләкли. Мишә авыл җирлеге урамнары арасындагы Спартакиада безнең һәм халык өчен традициягә әверелде.

ЯҢАЛЫКЛАРГА ЯЗЫЛУ