Сабабаш авылында Җиңү көне
9 Май-безнең горурлыгыбыз, бөеклегебез, батырлыгыбыз һәм кыюлыгыбыз көне. ""Безнең хәтер көне"". Безгә тынычлык, яз, тормыш бүләк итүчеләр алдында мәңгелек бурычлы. Без бу сугыш турында хәтерләгәндә – без яшәячәкбез, Ватаныбыз- яшәячәк. Һәм бу бәйрәм җир йөзендә иң якты һәм шатлыклы бәйрәм булачак.
8 май көнне Сабабаш авыл клубында халкыбызның Бөек Ватан сугышында Җиңүенең 81 еллыгына багышланган митинг узды. "Җиңү кайтавазы мәңгелек" - бу чараның исеме генә түгел, үткән митингның девизы да. Тантаналы митингны Сабабаш авылы имамы һәм Саба муниципаль районы хакимияте кунагы, авыл җирлеге башлыгы ачты. Килгән кунаклар үзләренең мөрәҗәгатендә алар 1945 елның 9 маеннан бирле инде күп вакыт узганлыгын, әмма без җиңүченең исемен – халыкны беләбез һәм хәтерлибез, дип билгеләп үттеләр. Бөек җирләре өчен үз гомерләрен биргән күп кенә угыл - кызлары.
Митингта катнашучылар сугыш кырларында һәлак булган һәм тыныч вакытта үлгән ветераннарны, шулай ук һәлак булган СВО солдатларын бер минут тынлык белән хөрмәтләделәр. Митингта катнашучылар Бөек Ватан сугышында катнашучылар обелискына чәчәкләр һәм веноклар салдылар. Бу көнне ата-бабаларыбызның ныклыгы, батырлыгы турында күп сүзләр яңгырады. Митинг барышында сугыш еллары җырлары яңгырады. Балалар шигырьләр укыдылар, Ватан өчен көрәшүчеләргә һәм җиңүчеләргә рәхмәт сүзләре әйттеләр. Ул коточкыч сугышның шаһитлары торган саен азрак кала бара. Сугыш ул елларда һәркемнең өенә керде, беркемне дә кызганмады. Ата бабаларыбыз кылган батырлыкны без беркайчан да онытмаячакбыз. Безнең баш өстендә кояшның кем ярдәме белән яктыртылуын һәм бу тормышның безгә нинди бәя белән эләгүен без һәрвакыт истә тотачакбыз.