Муниципаль районнар Саба муниципаль районы

Билбау көрәшендә уңышлар

2026 елның 8 апреле, чәршәмбе

2026 елның 3 апреленнән 5 апреленә кадәр Нурлатта 2012-2014 елгы егетләр һәм кызлар арасында билбау көрәше буенча Татарстан Республикасы беренчелеге узды. Ярыш Социалистик Хезмәт Герое Габбас Кыям улы Гыйматдинов истәлегенә багышлана . Ике көрәш келәменә республиканың 16 районыннан 170тән артык яшь спортчы чыкты. Саба районы командасы составында "Олимп" спорт мәктәбендә тәрбияләнүче 16 бала чыгыш ясады. Алар арасында Югары Симет мәктәбе укучылары Талипов Сәет белән Фатыйхов Румил дә бар. Талипов Сәет - 1 нче, Фатыйхов Румил - 2 нче урынны яулады. Спортчыларыбызга бу искиткеч җиңүләре өчен рәхмәт белдерәбез! Яңа спорт казанышлары, якты хисләр һәм үз көчегезгә ышаныч телибез!

Тэги: Югары Симет авыл җирлеге

Югары Симет авыл җирлеге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Консультация-Татарстан Республикасы территориясендә метеорологик күренешләрнең интенсивлыгы турында кисәтү

Тимершык ФАПы фельдшеры Галимҗанова А. М. укучылар өчен сәламәт яшәү рәвешенең нигезләренә багышланган әңгәмә үткәрде.

Тимершык ФАПы фельдшеры Галимҗанова А. М. Тимершык урта мәктәбе директорының тәрбия эшләре буенча киңәшчесе Хантимирова А. М. һәм өлкән сыйныф укучылары белән берлектә «Иҗтимагый сәламәтлек һәм диспансерлаштыру буенча диктант» Бөтенроссия акциясендә актив катнашты. Чара диктантздоровья.рф онлайн-платформасында узды. Катнашучылар үзләренең сәламәтлек саклау һәм профилактика мәсьәләләре буенча белемнәрен тикшерде. Диктант нәтиҗәләре буенча һәркемгә исемле сертификат тапшырылды. Акция кысаларында фельдшер Галимҗанова А. М. укучылар өчен сәламәт яшәү рәвешенең нигезләренә багышланган әңгәмә үткәрде. Бу чара яшь буын вәкилләрендә үз сәламәтлегенә карата кайгыртучанлык культурасын формалаштыруга мөһим өлеш кертте.

Cәламәт яшәү рәвешен үстерү атналыгы.

6 апрельдән 12 апрельгә кадәр Татарстан Республикасында cәламәт яшәү рәвешен үстерү атналыгы уза.

Профориентация буенча сыйныф сәгатендә катнашу

«Оникс» белем бирү үзәгендә профориентация сәгатенә 10 сыйныф укучыларын үзенең һөнәре белән таныштыру максатыннан әлеге сыйфта укучы Назлыгөлнең әнисе, Үзәкләштерелгән бухгалтерияның планлаштыру бүлеге җитәкчесе Гүзәл Нуруллина чакырылды. Ул балаларны Финанс – бюджет палатасының, Үзәкләштерелгән бухгалтерияның, үзе хезмәт куйган бүлекнең төп эшчәнлеге белән таныштырды, аларны кызыксындырган сорауларга җавап бирде.

ЯҢАЛЫКЛАРГА ЯЗЫЛУ