Бөтендөнья сәламәтлек көне!

Психологик-логопедик десант кысаларында ДБГУ“Курсабаш сәламәтлек мөмкинлекләре чикләнгән балалар өчен интернат-мәктәбендә” "Семицветик" ППМС-хезмәте педагог-психологлары «Үз-үзеңне көйләү һәм үзконтроль. Хисләр белән идарә итү" темасына тренинг үткәрделәр. Тренинг яхшы дәрәҗәдә узды. Укучылар тренинг дәресендә бик теләп катнаштылар. Ә Педагог-логопедлар балаларның сөйләм үсеше дәрәҗәсен тикшерделәр, аваз бирүдәге уңышлары белән уртаклаштылар һәм балаларны күнегүләр белән таныштырдылар.

Татар эшкуарларының XIV Бөтенроссия съезды кысаларында 31 мартта Татарстан Республикасы хәләл индустриясе өлкәсендә мөһим вакыйга булды: Татарстан Республикасы мөселманнары Диния нәзарәтенең «Хәләл» стандарты комитеты Хәләл стандартлары буенча сертификацияләү органы сыйфатында аккредитацияләү турында таныклык алды. Документны росаккредитация җитәкчесе Вольвач Д.В. Татарстан Республикасы Рәисе Р.Н.Миңнеханов катнашында тапшырды.

Сезгә шуны хәбәр итәбез: 1 апрельдән ашыгыч ярдәм чакыруның бердәм номеры гамәлгә керде: «103». Ашыгыч медицина ярдәменә барлык чакырулар бары тик кыска телефон номеры — 103 буенча гына кабул ителә һәм бердәм диспетчерлык үзәге аша уза. Барлык кәрәзле элемтә операторлары өчен 103 номерын җыярга кирәк.