Муниципаль районнар Саба муниципаль районы

КВН "Әйдә шаярт"

2026 елның 12 марты, пәнҗешәмбе

11нче март көнне Саба аграр көллиятендә узган " Әйдә шаярт " КВН бәйгесендә "Игенче" җәмгыятенең яшь хезмәткәрләреннән торган команда- " Каймак" командасы гран- при га лаек булып кайтты!

Чыннан да , исеменә күрә җисеме дә бик тә туры килеп тора.

Каймаклары: Сәмигуллин Айзат, Кашапов Илнур, Мирзагәлләмов Нияз, Зарипова Айзилә, Ягудина Дания , Зарипова Фәнияләр.

КВНда беренче тапкыр катнашуга карамастан Гран-при яулау әйтеп бетермәслек шатлыклы хисләр тудыра! Әле авыл хуҗалыгы оешмалары арасыннан иң беренче катнашучы бердәнбер команда!

Үзләренең мәзәкләре белән тамашачының күңелен күтәреп, авыл- хуҗалыгы эшчәнлеген шаян яктан матур итеп тамашачыларга җиткерә белделәр.

Җитәкчебезнең барлык башкарылган эшләрдә көчле терәк булуы, җанатарлар булып килгән хезмәткәрләребезнең алкышлары җиңүгә өстәмә көч булып торды.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

"Татарстан фәннәре һәм яшьләре"- "Агровызов"

Безнең Мичән төп мәктәбе укучылары Галимуллина Альбина һәм Әскәров Илзәр Казан шәһәренең КГАУ да узган "Татарстан фәннәре һәм яшьләре"- "Агровызов" фәнни-җитештерү комплексында катнаштылар. Бу ярышларда укучыларыбыз призер булдылар. Укучыларыбыз сезне чын күңелдән җиңүләрегез белән котлыйбыз!!!

ТР Шәхси Кубогының 1 туры

14-15 март көннәрендә Базарлы Матак авылында ТР шәхси Кубогының 1 туры узды. Спортчылар 2011 нче һәм өлкәнрәк ( Б төркеме) һәм 2012 нче елгы һәм яшьрәкләр категорияләрендә катнаштылар. В төркемендә Зәйнеев Айназ ир-атлар арасында парлы разрядта 1 урынны һәм катнаш парлы разрядта 1 урынны алды.201елгы һәм аннан яшьрәкләр категориясендә ялгыз разрядта Әхмәтшина Камила 1 урынны , ир-атлар ялгыз разрядында Идрисов Нияз 3 урынны алды.Спортчыларны котлыйбыз һәм аларга алга таба да уңышлар телибез!

Тарихи сәгать

25 март көнне Хәрби һәм хезмәт батырлыгы елы кысаларында Лесхоз өлкәннәр һәм инвалидлар өчен интернат-йортында тәрбияче җитәкчелегендә интернатта яшәүчеләр белән «Сугыш булды, без тыл идек» дигән темага тарихи сәгать үткәрелде.

Мишә авыл җирлеге урамнары арасында Спартакиада.

Һәр ял саен Мишә авыл җирлегендә урамнар арасында спортның төрле төрләре буенча ярышлар уза. Спартакиада бу елның ахырына кадәр дәвам итәчәк. Ярышларда берничә урамнан торган 7 команда катнаша. Бүгенге көндә чаңгы ярышлары, киез итекле волейбол, дартс, шашка, шахмат, ату, кул корәше, мини футбол ярышлары булды. Командалар актив катнаша. Бистә администрациясе һәр уеннан соң җиңүчеләрне грамота һәм акчалата приз белән бүләкли. Мишә авыл җирлеге урамнары арасындагы Спартакиада безнең һәм халык өчен традициягә әверелде.

ЯҢАЛЫКЛАРГА ЯЗЫЛУ