"Әбиемнең серле сандыгы"

2026 елның 2 феврале, дүшәмбе

30 январь көнне Югары Симет мәдәният йорты хезмәткәрләре китапханә белән берлектә "Әбиемнең серле сандыгы" дигән фольклор кичәсе үткәрделәр. Татар халкының "Үткәнне белмәгәннең, киләчәге юк" дигән мәкале бар. Чара балаларны халкыбызның гореф-гадәтләре, җырлары, биюләре һәм уеннары белән таныштыру максатында оештырылды. Мөдир борынгы бәйрәмнәр турында сөйләде, милли сөлгеләр, түбәтәйләр күрсәтте. Балалар татар халкының гореф-гадәтләрен һәм йолаларын белделәр, борынгы татар йортының бизәлешен күрделәр. Тамашачылар халык җырларын, биюләрен тыңладылар, борынгы уеннар уйнадылар.