Олы яшьтәге кешеләр белән очрашу

2026 елның 16-18 февралендә «Патриот» республика патриотик спорт үзәге базасында «Җиңү-2026»республика хәрби-спорт уенының финалы узды. Барлык сынаулар йомгаклары буенча Саба муниципаль районының «Патриот 116» Икшермэ кадет-интернет мәктәбе командасы гомумкоманда зачетында мактаулы 1 урынны яулады.

14 февральдә 14 яшь һәм аннан яшьрәк (2012 елда туган һәм аннан яшьрәк) Саба районы гомуми белем бирү оешмалары командалары арасында шахмат буенча «Шахмат кыры» сайлап алу ярышы үткәрелде. Мәктәпләр югары нәтиҗәләр күрсәттеләр: МБОУ» Гимназия" ш. т. б. Б. Сабасы, ОНИКС, Олы Кибәче УББМ, Тимершык УББМ, Саба УББМ, Икшермә УББМ. 1 урынны Саба гимназиясе командасы алды. ОНИКС-2 урын. Олы Кибәче урта мәктәбе-3 урын. Киләчәктә «шахмат кыры» Бөтенроссия ярышларында уңышлар телибез. Җиңүчеләрне һәм катнашучыларны котлыйбыз, җиңүләр телибез!

19 февраль көнне Лесхоз интернат-йортында ,шәфкать туташы җитәкчелегендә, социаль хезмәт алучылар арасында Ватанны саклаучылар көненә багышланган "Бочче" уены үткәрелде.    Бу уенда катнашучылар парлап уйный. Уен кагыйдәләре гади: шарларны көндәшеңә  караганда «паллино»га (ак шарга) якынрак ыргытырга кирәк. Беренче карашка бу  уен җиңел кебек тоелса да, бу алай түгел. Ыргытуның җитезлеге һәм төгәллеге кирәк.  

   Чит телләрне өйрәнүгә сәләтле балаларны ачыклау һәм аларга ярдәм итү, чит телләр мәгарифенә кызыксыну формалаштыру максатында 18нче февраль көнне Саба урта гомуми белем бирү мәктәбе базасында 7нче мәртәбә «Мәдәниятләр калейдоскобы» дип исемләнгән туган телләр республика фестивале үткәрелде. Биредә Татарстан Республикасы  районнары мәктәпләре укучылары һәм Казан федераль университеты мөгаллимнәре, студентлары катнашты. Чараның  мәртәбәле кунаклары Казахстан, Иран, Индия һәм Кыргызстан консуллары, Казан федераль университетының Филология һәм мәдәниятара коммуникацияләр институты директоры Р.Р.Җамалетдинов, Саба муниципаль районы Башкарма комитеты җитәкчесе М.Р.Кәримов булды. Фестиваль кысаларында  Саба муниципаль районы белем бирү оешмалары һәм чит ил студентларының иҗади остаханәләре эшләде, мастер-класслар үткәрелде. Катнашучылар Халыклар бердәмлеге елына багышланган күргәзмә белән таныштылар һәм мәктәп коллективлары тарафыннан төрле илләрнең фән, мәдәният һәм сәнгатен чагылдырган махсус мәйданчыкларда булдылар.  Фестиваль кунаклары төрле милләт вәкилләре белән аралашты, милли рухны тоя алды, коммуникатив компетенцияләрен үстерде һәм чит ил студентлары белән дуслаша алды.