"Ватан геройлары: Ватан хакына батырлык" – "ОНИКС"мәгариф үзәгендә буыннар очрашуы
«Ватан геройлары көне» кысаларында "ОНИКС" мәгариф үзәгендә "Ватан геройлары: Ватаныбыз хакына батырлык" исемле мөһим чара узды. Бу очрашу тере диалог мәйданчыгы булды. Мөхтәрәм кунакларыбыз - махсус хәрби операция ветераннары Рафиков Илдус Ринат улы һәм Рәшитов Рифат Ренат улы, "Солдатка аш" проекты җитәкчесе Фәтхрахманова Гөлнара Шәүкәт кызы, "Ватанны саклаучылар" фондының социаль координаторы Мәүлетова Әлфия Маннан кызы - шәхси тарихлары белән уртаклаштылар, үзләренең эшчәнлекләре турында сөйләделәр. Укучылар ватанпәрвәрлек һәм Ватан алдындагы бурыч турында мәгълүмат тупладылар, үзләрен кызыксындырган сорауларын бирделәр.
Бу очрашу тынычлык кыйммәтләре, Ватанны саклаучыларның батырлыгы һәм ярдәмгә мохтаҗларга булышуның мөһимлеген ассызлыклауда мөһим чара булды. Без каһарманнарыбыз белән горурланабыз һәм аларның батырлыгы өчен рәхмәтебезне белдерәбез!