«Тормышның авыр йөген тартучылар»
22 ноябрь көнне «Әдәби алан» проекты кысаларында Явлаштау урта мәктәбенең башлангыч сыйныф укучылары өчен «Тормышның авыр йөген тартучылар» дип аталган әдәби сәгать үткәрелде. Чара танылган татар язучысы Аяз Гыйләҗев иҗатына багышланган иде.
Очрашуда катнашучылар авторның биографиясе һәм «Язгы карваннар» дигән повесте белән таныша алдылар. Балалар бу әсәрдән өзекләрне зур кызыксыну белән тыңладылар, анда авыр сугыш еллары, гади авыл халкының тормышы һәм аларның үзара мөнәсәбәтләре турында сөйләнелә.
Әдәби сәгать проектның төп соравына җавап язу белән тәмамланды: автор бирелгән өзектә нинди ризыклар турында сөйләгән? Фикер алышу барышында укучылар повестьның төп темаларының берсе икмәкнең кыйммәте дигән нәтиҗәгә килделәр. Укылган өзектә сугыш елларындагы кара ипи кисәге турында языган, ул ризык кына түгел, ул кырыс заманда яшәү, ныклык һәм иң зур байлык символы булган.