«Терроризмга һәм экстремизмга - ЮК!»

2025 елның 22 сентябре, дүшәмбе

Саба районы «Балкыш» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе социаль педагогы М.С. Нәгыймова Кильдебәк урта мәктәбенең 9 нчы сыйныф укучылары белән «Терроризмга һәм экстремизмга - ЮК!» дигән темага әңгәмә үткәрде. Ул әңгәмәне террорчылык һәм экстремизм төшенчәләренең әһәмиятен тикшерүдән башлады, бу күренешләрнең җәмгыятькә тискәре йогынтысының ачык мисалларын китерде. Аннары укучылар арасында дискуссия оештырылды. Педагог толерантлыкның, бер-береңне хөрмәт итүнең һәм катлаулы ситуацияләрдә компромисс таба белүнең мөһимлеген ассызыклады. Террорчылык куркынычы шартларында үз-үзеңне тоту кагыйдәләренә аерым игътибар бирелде, укучыларга саклык чаралары алгоритмы турында сөйләнелде.