Һәр ел саен 22 август - Россия Дәүләт флагы көне дип билгеләп үтелә. Әлеге көн бер яктан истәлекле булса, икенче яктан ватандашларыбыз алдында горурлык хисләре уята. Бәйрәм уңаеннан, Эзмә мәктәбенең алдынгылар хәрәкәте активистлары "Россия триколоры" акциясенә кушылып авыл халкына ленталар таратырга чыктылар. Акцияда катнашучыларга флаг төсләренең нәрсә аңлатуы, бәйрәмнең килеп чыгышы турында да мәгълүмат таратылды.