Дару үләннәре һәм үсемлекләр җыю
Җәйге каникуллар-ял итү һәм файдалы эшләр өчен менә дигән вакыт. Килдебәк урта мәктәбе укучылары каникул вакытында дару үләннәре һәм үсемлекләр җыю белән шөгыльләнделәр. Чөнки мондый эшчәнлек файдалы гына түгел, ә бик кызыклы да.
Үләннәр җыю алдыннан укучылар махсус әдәбият өйрәнделәр һәм биология укытучысы белән киңәшләштеләр. Алар нинди үсемлекләрнең дару үләннәре булып саналуын, аларны кайда эзләү яхшырак булуын һәм ничек дөрес җыярга, киптерергә икәнен белделәр.
Җыйган үсемлекләр арасында мәтрүшкә, юкә чәчәкләре, карлыган яфраклары бар иде. Һәр укучы күп күләмдә файдалы үләннәр җыярга тырышты.
Бу чара ял һәм файдалы эшчәнлекне ничек берләштереп булачагына бик яхшы үрнәк булды. Укучылар яңа белем һәм күнекмәләр алдылар.
Шулай итеп, җәйге каникуллар ял итү вакыты гына түгел, үзең һәм тирә-юньдәгеләр өчен мөһим һәм кирәкле нәрсә эшләү мөмкинлеге дә булып тора.