Шоколад көненә багышланган «Шоколад – шоу» бәйрәме
Елның иң тәмле һәм татлы көне - Бөтендөнья шоколад көне — татлы ашаучылар һәм гурманнар 11 июльдә билгеләп үтәләр. Гадәти булмаган бәйрәмне 1995 елда беренче тапкыр билгеләп үткән французлар уйлап тапкан. Бөтендөнья шоколад көненең популярлыгы елдан-ел арта бара: аны күп илләрдә, шулай ук Россиядә билгеләп үтәләр. Шуннан бирле төрле илләр бу көнне бәйрәм итү өчен мастер-класслар, дегустацияләр, фестивальләр һәм күргәзмәләр оештыра.
15 июльдә Лесхоз мәдәният йорты һәм китапханә хезмәткәрләре Бөтендөнья Шоколад көненә багышланган «Шоколад – шоу» бәйрәме үткәрделәр. Балалар шоколадның «тормышыннан» кызыклы фактлар: аның Ватаны, тудыручысы, шоколадның бөтен дөнья буйлап сәяхәт итү тарихы белән таныштылар. Шулай ук алар презентация карадылар, викторина сорауларына җавап бирделәр һәм уеннарда катнаштылар. Чара азагында барлык катнашучылар да татлы призлар алды.