12 апрель-Космонавтика көне
Әлеге истәлекле дата уңаеннан "Курсабаш сәламәтлек мөмкинлекләре чикләнгән балалар өчен мәктәп-интернат»ында мавыктыргыч «Төз атучы" чарасы узды. Уенның оештыручысы - «Ракетамодельләштерү " түгәрәге җитәкчесе Шәймурзин Илнур Корбан улы булды. Уен өч этапта үтте: өй эше, төгәллеккә ату һәм ераклыкка ату. Интернат-мәктәп укучылары иң яхшы нәтиҗәләр күрсәтергә тырышып, чарада зур активлык белән катнаштылар. Уен азагында барлык катнашучылар да медальләр, грамоталар һәм бүләкләр белән бүләкләнделәр. Чараның иганәчеләре: Саба «проект остаханәсе», Тимершык авыл җирлеге башлыгы Хаҗиев Айдар Хәнифулла улына, ҖЧҖ «Курсабаш» директоры Җиһаншин Ирек Сәетша улына һәм Курсабаш авылының ИП «Лилия» сатучысы Төхвәтуллина Валентинага аерым рәхмәт әйтәсе килә.