Муниципаль районнар Саба муниципаль районы

“Күңелләрдә мәңге яшәрсең Рәмзил”

2025 елның 15 марты, шимбә

Мичән авыл җирлеге Мичән төп мәктәбе спортзалында Махсус хәрби операциягә чакырылып, Украина җирендә һәлак булган авылдашыбыз Хуҗин Рәмзил Ринат улының якты истәлеге хөрмәтенә искә алу кичәсе оештырылды. Кичәне авыл җирлеге башлыгы Гараев А.А. ачып җибәрде, Мичән төп мәктәбе коллективы, директоры Шайхлисламов Б.Ф , Яңа Мичән, Иске Мичән мәдәният хезмәткәрләре эчтәлекле программа әзерләгәннәр иде. Бу кичәдә Рәмзилнең әти- әнисе, әби бабайлары да чакырылган иде. Алар да бик сагынып, горурланып Рәмзил белән булган вакыйгаларны искә төшерделәр. Авыл яшьләре катнашында 6 волейбол командасы җыйналды һәм һәр команда күңел биреп шушы ярышта көч сынаштылар. Командаларга, Рәмзилнең тормыш иптәшенә, әти-әниләренә истәлекле бүләкләр тапшырылды. Бу искә алу кичәсе бик кирәкле, куңелләрне тетрәндергеч булып озак еллар күңелләрдә сакланыр. Авылыбыздан чыккан батыр егетләребез белән горурланабыз!

Тэги: Мичән авыл җирлеге

Мичән авыл җирлеге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Куңелле стартлар

1-10 декабрендә Россиядә гадәттәгечә Халыкара сәламәтлек мөмкинлекләре чикләнгән кешеләр көненә багышланган инвалидлар декадасы үткәрелә. Инвалидлар декадасы кысаларында 5 декабрьдә Лесхоз өлкәннәр һәм инвалидлар интернат-йортында "Күңелле стартлар" булып узды.

Бадминтон буенча бөтенроссия яшүсмерләр ярышлары

2025 елның 2 декабреннән 5 декабренә кадәр Уфа шәһәрендә бадминтон буенча бөтенроссия яшүсмерләр ярышлары узды, анда Россиянең 13 төбәгеннән 245 спортчы катнашты. Ярышлар рангы "Өч йолдыз" . Саба районыннан "Саба-Арена" спортчылары уңышлы чыгыш ясады һәм 6 медаль яулады. 1 урын - Сафина Элина - Ким Алёна (Самара) 1 урын - Галимуллин Рәсүл - Шевелев Иван (Алесеевск) 2 нче урын - Сафина Элина 3 нче урын - Зәйнеев Айназ - Мәрданшин Раил (Әлмәт) 3 урын - Сафина Элина - Бурганов Данияр. Ярышларда катнашучыларның барысы да медальләр белән кайтты. Балаларыбызны, аларның ата-аналарын, тренер Г.Х. Зарипованы лаеклы нәтиҗәләр белән котлыйбыз, сәламәтлек һәм алга таба спорт казанышлары телибез. Шулай ук спортчыларның Бөтенроссия ярышларына бару мөмкинлеге өчен тренер һәм ата-аналар исеменнән Саба районы җитәкчелегенә рәхмәт белдерәбез.

Курсабаш мәдәният йортында бәйрәм концерты

Курсабаш мәдәният йортында татар эстрадасының популяр җырчысы, «Болгар радиосы» премиясе лауреаты Гөлүс Хәбибрахмановның «Әниләр көне»нә багышланган концерты булды.Һәрберебез өчен әни-тормышта иң мөһим кеше. Иң якын, иң кадерле, бердәнбер кешене атап йөртүче бу тылсымлы сүз никадәр җылылык яшерә. Залда гадәттән тыш күңелле, бәйрәмчә атмосфера хөкем сөрә иде. Җанлы тавыш бер тамашачыны да битараф калдырмады: башкарылган һәр композиция көчле алкышлар белән үрелеп барды.Әлеге чараның иганәчесе - «Курсабаш»ҖЧҖ.

Түбән Утар авыл клубында «Яраткан әниләр өчен» дип исемләнгән бәйрәм концерты

Түбән Утар авыл клубында «Яраткан әниләр өчен» дип исемләнгән бәйрәм концерты булып узды. Безнең һәрберебез өчен әни-тормышта иң мөһим кеше. Бу тылсымлы сүз күпме җылылык яшерә, иң якын, кадерле, бердәнбер кеше дип атала. Залда бәйрәм атмосферасы хөкем сөрде. Бер-бер артлы сәхнәдә яшь талантлар һәм үзешчәннәр чыгыш ясады. Концертта катнашучылар җырлар җырладылар, шигырьләр укыдылар, биеделәр, һәм болар барысы да яраткан әниләренә багышланды. Әниләр чыгышларны сокланып карадылар һәм чын күңелдән шатландылар. Мондый көнгә багышланган концерт үзенчәлекле булды һәм күңелләргә рухи ял бирде!

ЯҢАЛЫКЛАРГА ЯЗЫЛУ