Саба муниципаль районының туган якны өйрәнү музеена экскурсия

2025 елның 14 марты, җомга

Килдебәк урта мәктәбенең 8 нче сыйныф укучылары Татарстан Республикасы Саба муниципаль районының туган якны өйрәнү музеенда булдылар. Әлеге экскурсиянең максаты-төрле һөнәр ияләре, туган як үзенчәлекләре белән бәйле һөнәрләр турында белемнәрен арттыру. Укучылар өчен төрле экспозицияләр куелган музей заллары буйлап кызыклы һәм танып белү экскурсиясе үткәрелде, балалар ата-бабаларыбызның көнкүрешен һәм аларның хезмәте нәтиҗәсендә районыбызның ничек нигезләнүен һәм үсешен үз күзләре белән күрделәр. Укучылар экскурсоводны рәхәтләнеп тыңладылар, экспонатларны кызыксынып карадылар.