ҖЧ “Игенче” җәмгыяте призына чаңгы ярышлары

2025 елның 29 гыйнвары, чәршәмбе

    28 нче гыйнвар көнне Иләбәр авылы Сабантуй мәйданындагы чаңгы трассасында  ҖЧ “Игенче” җәмгыяте призына чаңгы ярышлары узды. Ярышларда”Игенче” ҖЧҖ е биләмәсенә кергән Эзмә, Шекше , Курсабаш авыл җирлекләрендә яшәүчеләр катнашты.

     Чаңгы ярышлары, катнашучыларны спорт ярышы буларак кына түгел, ә дусларча , җылы шартлар белән дә җәлеп итә.Барлык катнашучыларны да монда кадерле кунаклар кебек каршы алдылар, бик күп бүләкләр әзерләделәр. Чаңгы ярышында  катнашучылар һәм аларга көч биреп торучы җанатарлар,  кайнар чәй,  тәм-томнар белән  сыйланды.

     Кичке сәгать биштә башланган чаңгы юлы чаңгычылар белән тулы иде.

Берничә сәгатькә сузылган ярышларда алдынгы урыннар яулаган  җиңүчеләргә грамоталар һәм акчалата бүләкләр тапшырылды.