«Игенче " ҖЧҖендә хисап җыелышы узды
Агымдагы елның 24 гыйнварында «Игенче» ҖЧҖендә , 2024 ел йомгаклары буенча хисап җыелышы узды. Анда авыл хуҗалыгы һәм азык-төлек идарәсе начальнигы Хәсәншин Гафур Шәйхулла улы, агросәнәгать хезмәткәрләре профсоюзының район комитеты рәисе Нигъмәтҗанова Гөлназ Равил кызы, « Игенче »ҖЧҖ белән хезмәттәшлек итүче оешмалар җитәкчеләре һәм авыл җирлеге башлыклары катнашты.
Игенчелек һәм механизация юнәлеше буенча баш агроном Галиев Н.Х. һәм баш инженер Аскаров И. Э. чыгыш ясадылар.
Хуҗалык җитәкчесе Зарипов Алмаз Зөфәр улы хуҗалык эшчәнлегенең финанс-икътисадый күрсәткечләренә анализ ясады, шулай ук 2025 елга планнар белән таныштырды.
Хисап җыелышы хуҗалыкның алдынгы хезмәткәрләренә Рәхмәт хатлары, бүләкләр тапшыру һәм Татарстан һәм Башкортостан Республикасының атказанган артистлары Зөлфия һәм Җәвит Шакировлар катнашында концерт программасы белән тәмамланды.