Өстәл теннисы буенча «Кыш Бабай призына» Яңа ел турниры

Иске Яңа ел-традицион кышкы тантаналарның соклануын озайта торган искиткеч бәйрәм. 13 январь көнне Лесхоз мәдәният йортында "Яңа ел могҗизасы" лотереясе булып узды. Бу чара инде күптән традициягә әверелде, һәм бистә халкы бик теләп катнаша, бөтен гаиләләре белән килә, чөнки бу кичне һәркемгә приз бирелә. Быел төп призлар: Яңа ел әтәчләре һәм куян, электр чәйнеге, термопот, сок сыгучы, ит тарткыч, тузан суырткыч, кухня комбайны һәм башкалар иде. Лотерея концерт номерлары һәм алып баручыларның шаяртулары белән үрелеп барды. Дүрт сәгать буе күңелле бәйрәм чарасы барды һәм уңыш елмайган кешеләр өчен күңелдә зур шатлык калдырды. Шулай ук бәйрәмебезне тагын да яктырак итәргә ярдәм иткән иганәчеләребезгә зур рәхмәтебезне белдерәбез. Барысы да, катнашучылар да, оештыручылар да уздырылган вакыттан канәгать калдылар, чөнки һәркем үз бүләген һәм бәйрәм кәефен алды.

8 январь көнне мәдәният йорты хезмәткәрләре дендрология бакчасында Яңа ел спектаклен куйдылар. Кукмара һәм Саба егетләре квест-уен ярдәмендә югалган Кыш бабайны һәм Кар кызын эзләделәр. Кунакларны сөйкемле эт белән мәче каршы алды. Кыш Бабай булып чыкты һәм Кар кызын Убырлы карчык урлаган. Убырлы карчыкның заданиеләрен үтәгәннән соң гына алар белән очрашырга мөмкин иде. Балалар биремнәрне үтәп җырладылар, биеделәр, әйлән-бәйлән уйнадылар. Кыш бабай белән очрашудан соң кунакларны мастер-класс һәм мичтән коймак белән чәй көтте. Бәйрәм күңелле узды һәм балаларга бик күп шатлык һәм күңел ачулар китерде. Ә без һәр баланың йөрәгенә бәйрәмнең бер өлешен кертүебезгә шатланабыз. Һәм һәр бала Кыш бабай белән Кар кызы әкиятенә мөмкин кадәр озаграк ышансын!

7 январь көнне Лесхоз мәдәният йортында "Әти, әни, мин - спорт гаиләсе"дип исемләнгән Күңелле стартлар оештырылды. Ярышларның программасы бай һәм кызыклы иде. Катнашучылар үзләренең җитезлегенә, көченә һәм осталыгына гына түгел, ә бер команда булып эшләү сәләтенә дә сынадылар. Бу мавыктыргыч ярышның барлык этаплары да киеренке көрәштә узды. Җанатарлар һәм тамашачылар үз чиратында вакыйгалар барышын күзәттеләр һәм уенчылар өчен бик каты борчылдылар. Сәламәт көндәшлек һәм дәртле көлү безнең гаилә командаларына барлык сынауларны да җиңәргә ярдәм итте. Ярышларда Әхтәмҗановлар гаиләсе командасы җиңүче булды. Икенче урынны Шиһабетдиновлар гаиләсе командасы алды, спорт ярышларында өченче урынны Миңнегуловлар гаиләсе алды .