Саба биатлончылары Яр Чаллы шәһәрендә призлы урыннар яуладылар
Саба биатлончылары Яр Чаллы шәһәрендә призлы урыннар яуладылар
2025 елның 08 гыйнварында Яр Чаллы шәһәрендә 2008-2015 елгы егетләр һәм кызлар арасында биатлон буенча ачык ярышларның икенче этабы узды. «Сабантуй» спорт мәктәбе спортчылары әлеге турнирда актив катнаштылар.
2014-2015 елгы яшүсмерләр арасында Әһлиев Ильяс алтын медаль яулады, Нигъмәтҗанов Әмир шул ук категориядә өченче урынга лаек булды. 2010-2011 елгы яшүсмерләр арасында Хуҗин Инсаф өченче урынны алды. Шул ук категориядә, әмма кызлар арасында Галимова Нәфисә чәчәкле тантанага эләкте, ул бишенче урынны алды.
2012-2013 елгы малайлар арасында Гайнуллин Инсаф һәм Шакирҗанов Әнвәр дә чәчәкле тантанага лаек булдылар.
12 гыйнварда Яр Чаллы шәһәрендә 2008-2015 елгы егетләр һәм кызлар арасында «АРТ СВАРКА» Кубогына биатлон буенча ярышлар узачак. Әлеге ярышларда спортчыларыбызга уңышлар һәм яңа җиңүләр телибез!