Яңа ел белән котлау

3 гыйнвар көнне Бигәнәй мәдәният йортында китапханә белән берлектә “Уен әйлән-бәйләне” - урамда кышкы күңел ачулар үткәрелде. Балалар уен дөньясына, күңелле һәм мавыктыргыч дөньяга киттеләр, анда үзләренең җитезлеген  күрсәтә алдылар. Балалар рәхәтләнеп уеннарда катнаштылар. Уеннардан тыш, балалар конкурсларда да катнашты. Чара җылы, күңелле һәм дусларча атмосферада узды. Барысы да күтәренке кәеф һәм яхшы кәеф заряды алды. Уеннарда һәм конкурсларда катнашканнары өчен балалар  бүләкләр һәм баллы призлар алдылар.

Яңа ел бәйрәме якты, серле, кабатланмас, шау-шулы, гаҗәеп бәйрәм. Бүләкләр, сюрпризлар һәм теләкләр белән әкияти могҗизалар һәм тылсым бәйрәме. 1 январь көнне Ике басу Арташ мәдәният йортының авыл китапханәсе белән берлектә" Лови удачу" исемле традицион Яңа Ел лотереясе үткәрелде, ул оттырышсыз һәм күңелле. Бу чара күптәннән традициягә әверелде, һәм авыл халкы бик теләп катнаша, гаиләләре белән килә, чөнки бу кичне һәркемне призлар көтә. Авылның иганәчеләре, эшмәкәрләре ел саен уенда актив катнашалар, үзләренең исемле призларын тапшыралар алар-Илһамия һәм Наил Гаяновлар сөт җыючылар, ирек һәм Фәридә Гаяновлар кибет хуҗалары, Рәхмәтуллиннар, Гатиятуллиннар, Мөхәммәтҗановлар, Җәләлиевлар, Хәсәновлар, хоккейчы, Россия хатын-кызлар җыелма командасы чемпионы Ландыш Фәләхова. Быелгы лотерея билетлары уйнату бәйрәмен авылдашыбыз, чараларны уздыруда күп тапкырлар иганәче булган Илһамия Гаяновоны котлап, үзенчәлекле рәвештә башладылар.

2 январь көнне Югары Шытсу авыл китапханәсендә яшьләр өчен шагыйрә Нурия Измайлованың тууына 75 ел тулу уңаеннан "Аның җаны-бөтен дөнья" исемле танып белү сәгате үткәрелде. Китапханәче аларны юбилярның тормышы һәм иҗаты белән таныштырды. Чара барышында алар Н.Измайлованың 20 елга якын Америкада яшәве турында белделәр. Юбилярның шигырьләре кычкырып укылды. Нурия Измайлованың китаплары белән күргәзмә әзерләнгән иде, анда катнашучылар аның шигырьләре һәм хикәяләре белән таныша алдылар.

2025 елның гыйнварында бөек Дания язучысы Г.Х. Андерсенның «Дюймовочка» әкиятенә 190 ел тула.  2 январь көнне Олы Нырты мәдәният йорты һәм китапханә хезмәткәрләре Әкият буенча рәсем конкурсы үткәрделәр. Конкурс алдыннан балалар белән бергә әкиятнең эчтәлеген искә төшердек. Бераз фикер алышканнан соң, балалар әкияткә һәм аның геройларына үз карашларын белдерә алдылар. Башкарылган эшләр өчен балалар призлар алды. Конкурстан соң залда хәрәкәтчән уеннар үткәрелде.