Яңа Мичән авыл клубында, авыл китапханәсе белән берлектә, Әниләр көнен билгеләп үттеләр.

2024 елның 26 ноябре, сишәмбе

Яңа Мичән авыл клубында, авыл китапханәсе белән берлектә, Әниләр көнен билгеләп үттеләр. Бәйрәмне, котлау сүзләре белән, авыл җирлеге башлыгы Гараев А.А. ачып җибәрде. Бәйрәмгә Яңа Мичән авылында яшәп балалар үстерүче әниләр җыелды. Алар бала үстергәндәге авыр, күңелле вакыйгаларны искә  төшерделәр, истәлекләр белән уртаклаштылар.  Әниләр хөрмәтенә Шәмәрдән җирлегеннән килгән үзечәннәр чыгышы да уңышлы булды. Соңыннан чәй өстәле артында халык җырлары җырланды.